partekatu
Eneko Andueza: “Euskadik aurrera egiteko proiektu bat dugu, herri lehiakorragoa, modernoagoa, anbiziotsuagoa eta pluralagoa izateko”
PSE-EEko idazkari nagusiarentzat, lehentasuneko kontua da klimaren aldaketa borrokatzera, osasungintza eta hezkuntza publikoa defendatzera eta berdintasuna bermatzera zuzentzea
Urkullu eta alderdi abertzaleak denbora “nahaste-borraste faltsuetan” ez galtzera eta autogobernuaren tresnak erabiltzera gonbidatu ditu buruzagi sozialistak
PSE-EEko idazkari nagusiak, Eneko Anduezak, esan du Euskadik aurrera egiteko proiektu bat dutela sozialistek, “herri lehiakorragoa, modernoagoa, anbiziotsuagoa eta pluralagoa” izan dadin. Politika Orokorreko osoko bilkuran hitza hartu duenean, Anduezak esan du PSE-EEk bultzatuko dituen “politika ausartekin” posible izango dela euskal gizartearen lehen lerroan dauden erronkei erantzutea, hala nola, krisi demografikoari, erronka teknologikoari edo erronka klimatikoari, beste batzuen artean.
“Euskadik ilusioarekin begiratu behar dio etorkizunari, itxaropenarekin”, adierazi du buruzagi sozialistak Eusko Legebiltzarrean. Izan ere, azken urte honetako eta datorren hilabeteetan amaiera emango zaion legegintzaldiaren kudeaketaren balantzeaz harago jarri nahi izan du begirada Anduezak. “Euskadik oso ondo daki zer nahi duen, argi eta garbi adierazi zuen joan deneko uztailean”, adierazi du bere jardunaren beste une batean, hauteskunde orokorretan PSE-EEk lortu duen garaipena gogora ekarriz.
Eta Idoia Mendia lehendakariordearen lana eta langabeziaren portaera azpimarratzeko tartea hartu du, langabezia zifra historikoetaraino helduz murriztea ekarri baitu, %7,4 ingururaino, milioi bat afiliatu gehiago direlarik. Espainiako Gobernuak langileei eta enpresei bereziki eskainitako babesa ekarri du gogora Anduezak, eta lan-erreforma, nazionalisten aurka bozkatu zutena, hain zuzen ere, eta Mendiak elkarrizketa sozialerako apustua eta negoziatzeko erakutsitako jarrera, Diru-sarrerak Bermatzeko eta Gizarteratzeko Sistemaren Legearen onarpena ekarri duena eta Enpleguaren Legea ahalbidetuko duena.
Javier Hurtadok zuzentzen duen sailak merkataritza eta turismo sektoreei emandako laguntza ere azpimarratu du, Covid-19aren krisiaren ondoren horien suspertzea ekarri duena, eta euskal ekonomian gero eta pisu handiago nola duten aipatu du. Baita Kontsumitzaileen Estatutuaren Legea onartu izana ere.
PSE-EEko idazkari nagusiak ez du bere haserrea ezkutatu Eusko Jaurlaritzako alderdi nazionalistak estatuko Etxebizitzaren Legeari egin dizkion kritikengatik eta Auzitegi Konstituzionalaren aurrean jarritako helegiteagatik. Legebiltzarrak 2015ean euskal Legea onartu zuenetik Etxebizitza politikaren hiru ardatz nagusiak aletu ditu. Orduan ere EAJ kontra agertu zen.
Euskadik oso ondo daki zer nahi duen.
Oso argi utzi zuen iragan #U23-an.
Euskal emakumezko eta gizonek Gobernu Sozialista bat nahi dute Espainian.
Eta Euskadin, elkarrizketaren alde egingo duen, kontsentsua bilatuko duen eta herritarren benetako arazoak konpontzeko lan egingo duen Gobernu bat. pic.twitter.com/YGqe0KCiAI
— Eneko Andueza (@enekoandueza) September 14, 2023
“Ez da 2015eko Legearen kontra gogor egin zutenek medaila bat zintzilikatzeko ordua, ezta orain arte ezer ez dela egin esanez gezurra esateko ere, beste batzuk egiten duten bezala. Sozialisten lanari balioa eman nahi diot”, adierazi du, azpimarratuz 11.800 pertsona eta etxek baino gehiagok aitortua dutela eskubide subjektiboa, beste 31.000 pertsonek alokairurako prestazio bat jasotzen dutela hilero eta gazteen ematzipaziora berariaz zuzendutako neurriak nola dauden.
Eta neurri berri batzuk proposatu ditu mugikortasuna eta garraio publikoaren erabilpena bultzatzeko, noiz eta operadore guztietan bidaiarien zifrak berreskuratu direnean, PSE-EEko ordezkariek euskal erakundeetan sustatutako laguntzei eta Espainiako Gobernuaren jardunari esker, hein handi batean.
Proposamen batzuk xehatu ditu Anduezak honako arlo hauetan: ingurumenean, Osasungintza eta zainketan, Hezkuntzan, politika industrialean eta emakumeen eta gizonen arteko berdintasunean. Eta anbizio handiago eskatu du klimaren aldaketaren kontrako borrokan, ezinbestekoa iruditu zaio euskal osasun sistemaren kalitate-estandarretara heltzea, eta publikoa dena lehenetsiko duen eta ahalegin guztiak ikasleengana eta emaitza akademikoetara bideratuko dituen Hezkuntzaren Lege baten alde egin du.
Horrekin batera, euskal gizartearen benetako beharrak konpontzeko elkarrekin lan egitera gonbidatu du, distrakziorik eta “nahaste-borraste faltsurik” gabe, autogobernuak eskaintzen dituen tresna guztiak erabiliz eta Konstituzioa berrikustearen gaineko planteamenduak baztertuz, 2018an azaldu ziren bezala, Lizarrako Itunari edo Ibarretxe planari nostalgiaz begiratzen aritu beharrean, beste batzuk bezala.
