Web gune honek cookieak erabiltzen ditu, propioak eta beste batzurenak. Nabigatzen jarraituz gero gure cookien politika onartzen duzula ulertzen da.
Adi egon! Adi egon!

Apirila 2024

AL AR AZ OG OR LR IG
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30
Itxi
PSE EUSKADI

PSE-EE PSOE Socialistas Vascos

Berriak

partekatu  partekatu

Eneko Andueza: “Kanpaina bikain baten azken txanpan gaude, PSOEren aste fantastikoaren atarian, garaipen eztabaidaezinarekin amaituko delako”

PSE-EEko idazkari nagusiak esan du PPk Feijoo ezkutatzea eta azken eztabaidara ez joatea erabaki zuela, kanpainan ez delako geratzen gezurrentzako tokirik

Rafaela Romero: “Indarkeria matxista ez da huskeria, ez da asmakizuna, ezta ere lakra bat, dibortzio txar bat edo uste bat bakarrik, eskubide urraketarik larriena da”

Jose Antonio Santano: “Boto bakoitzak balio du, boto bakoitza garrantzitsua da, hauteskundeak ez dituzte irabazten botere-taldeek, ezta komunikabideek ere”

1. argazkia
El Secretario General del PSE-EE, Eneko Andueza, junto a la cabeza de lista al Congreso por Gipuzkoa, Rafaela Romero, y el alcalde de Irun, José Antonio Santano | Foto: Socialistas Vascos

PSE-EEko idazkari nagusiak, Eneko Anduezak, zorionak banatu ditu kanpainari amaiera emateko bezperan, lortu izan den emaitza eta azken egunak nola joan izan diren kontuan hartuta. “Kanpaina bikain baten azken txanpan gaude, PSOEren aste fantastikoaren atarian, garaipen eztabaidaezinarekin amaituko delako”, iragarri du.

Pedro Sanchez herrialdeak “merezi duenaren pare” dagoen presidente bat dela esan du Anduezak Irunen, erakutsi izan duelako “konpromisoa” duela jendearekin, PP “ez dagoen eta espero ez zaion” bitartean. Eta esan du popularren estrategia, gezurrean oinarritzen dena, ez dela kontu berria.

“ADNan daramate, halaxe erakutsi zuten Prestigearen auzian edo M11-rekin”, azpimarratu du. Anduezak Feijooren kontra egin du “hura zintzilik jartzen duten” kazetariak difamatzeagatik eta Correoseko langile publikoak kritikatzeagatik. “Bada etengabe gezurretan, erakundeen prestigioa hankaz gora jartzen eta Zuzenbideko Estatua auzitan jartzen aritzen denik”, esan du.  “Bere herriarengan sinesten ez duen batek ez du merezi Gobernuko presidente izaterik”, azpimarratu du.  

“PPk Feijoo ezkutatzea erabaki zuen, pentsatu zutelako hori zela onena, kanpainan ez dagoelako gezur gehiagorako tokirik, pertsonaia agerian utzi dutelako”, adierazi du hautagaia azken eztabaidara ez zelako joan. “Gezurrik esango ez duen Gobernu duin bat merezi dugu, Espainia, Euskadi, Gipuzkoa eta Irun bizitzeko harro egoteko moduko tokiak egingo dituena”, adierazi du.

Eta esan du berdin al den PSOEren edo PPren gobernu bat pentsioetarako, lan-eskubideentzako, gizarte-ezkutuarentzako, inflazioaren kontrako borrokarako, osasungintzarako edo klimaren aldaketaren kontrako borrokarako. Eta popularrak “eskuin muturraren mandatariak eta exekutatzaileak“ direla esan du. “Gauza bera al dira benetan Alderdi Sozialistaren edo PP eta Voxen gobernu bat izatea, eskubideak eta askatasunak eta aurrerabideak izango dituen herrialde moderno bat eta 40, 60 eta, are 75 urte ere atzera egingo duen herrialde bat? Herri honek datorren igandean erantzungo dio galdera horri, eta esango du herri honek Alderdi Sozialistaren Gobernu bat merezi duela”, esan du.

✊??Kanpaina bikain baten, @PSOE-ren aste fantastikoaren azken txanpan gaude, eta garaipen sendo batekin amaituko da #U23-an.@sanchezcastejon herrialdeak merezi duen pare dagoen presidentea da.#VotaPSOE #AEspañaAvanza #Adelante pic.twitter.com/bG4Z1gqNbj

— Eneko Andueza (@enekoandueza) July 20, 2023

Botoa Alderdi Sozialistaren inguruan biltzeko eskatu du buruzagi sozialistak. “Ez da botorik alferrik galdu behar, ez beharrezko ehunekora iritsiko ez direnekin, ezta zer egingo duten esaten ez digutenekin”, adierazi du.

“Berdinak eta askeak”

Rafaela Romerok Nagore Laffage, orain dela 13 urte eraildako irundar gaztea, eta haren memoriaren alde haren ama Asun Casasolak egindako borroka ekarri ditu gogora. Rafaela Romerorentzat, inoiz baino arrisku handiagoan daude demokrazia bera eta matxismoaren kontrako borroka. Eta ohartarazi du PPk eta Voxek euren botoak elkartzen badituzte “emakumeon eta geure gorputzen kontra gobernatzeko, gure eskubideen kontra politika egiteko” izango direla.

“Indarkeria matxista ez da huskeria, ez da asmakizuna, ezta ere lakra bat, dibortzio txar bat edo uste bat bakarrik, konpontzeko dugun eskubide urraketarik larriena da, bizitza, askatasuna, osasuna eta bakea kentzen dituelako”, azaldu du.

Eta igandean erantzuna ematera egin du dei. “Gipuzkoako hautsontzi guztietan egingo dugu, botoa masan emanez, emakumeok berdintasunean eta aske bizi nahi dugulako. Bozka dezagun, eman dezagun botoa leihoak feminismo gehiago oihukatuz zabaltzen joateko”, esan du.  

Kongresurako Gipuzkoako zerrendaburuak botoa eskatu du “PPk eta Voxek ez ditzaten berriz ere emakumeak beldurraren belopean estali, Zuzenbide Estatuaren babesaren, aitortzaren eta ahalduntzearen beloarekin baizik”.

“Boto bakoitzak balio du, boto bakoitza garrantzitsua da”

Jose Antonio Santano Irungo alkateak esan du boto bakoitzak balio duela, garrantzitsua dela boto bakoitza, eta hauteskundeak ez dituztela irabazten presio-taldeek, ezta ere komunikabideek.

“Igandean errespetua eta duintasuna, aurrera egitea ala atzera egitea dugu jokoan”, adierazi du eta benetako gauza garrantzitsuak galtzen direnean botatzen direla faltan, eskubideei eta askatasunei erreferentzia eginez. Eta honetaz ohartarazi du: “Mesedez, ez gaitezela astelehenean esnatu eta ‘zer egin dugu?’ esaten hasi, orduan gauzek ez dutelako erremediorik”.

Santanok sozialisten garaipena iragarri du eta gaineratu du Iruni “ondo joan izan zaiola eta ondo joango zaiola” PSOEren Gobernu batekin.