PSE-EE PSOE Socialistas Vascos

OSOKO ZUZENKETA

Eusko Legebiltzarrak Eusko Jaurlaritzari iradoki dio familiei laguntzeko IV. Plana indarrean dagoen behin-behineko epean honako neurri hauek garatzea: 

1. Gaur egungo laguntzak berbideratzea lan-eszedentziako egoeran dauden langileei eta lan-jardunaldiaren murrizketako egoeran dauden langileei, behar bereziko familien kasuan aitatasuneko edo seme-alabak zaintzeko eszedentziak estaldura ekonomikoa bermatze aldera; horretarako, familia- eta lan-bizitzak bateratzeko laguntzei buruzko ekainaren 29ko 177/2010 Dekretua aldatuz, gutxika-gutxika haurduna ez den gurasoaren eszedentziaren estaldura ekonomikorako prestazioa sartzeko, 12 asteko eperako, jaiotzaren hurrengo hamabi hileetan eta amatasun-baimenaren aldi ezberdinean, kotizazio-oinarriaren % 100eko zenbatekokoa.
2. Kargura izandako seme-alaba bakoitzeko aldizkako prestazio ekonomikoak modu mailakatuan hobetzea, seme-alabak dituzten familiei laguntzeko diru-laguntzei buruzko martxoaren 17ko 30/2015 Dekretua aldatuz, honako xede honetarako:
1. Bigarren seme-alabengatiko laguntzak handitzea hirugarren urteko kuotan;
2. Seme-alabaren kontzeptua handitzea familia-etxebizitzan bizi diren 18 eta 25 urte artekoak gehitzeko, beren gurasoen mendeko badira ekonomikoki;
3. Adopzio edo tutoretzako kasuetan hasierako eskaerak aurkezteko epearen zenbaketaren hasiera-data aldatzea;
4. Adopzioari, adopzio-elkarbizitzarako zaintza-eskuordetzeari edo tutoretzari dagokien urteko kuota jaiotze-urteko kuotatzat hartzea, eta egoki diren mantentzeko urteko kuoten abonamendua, 18 urteko mugarekin soilik.
3. Proiektu pilotuak eta lan- eta familia-bizitzak zein bizitza pertsonala bateratzeko planak sustatzea enpresetan, adibidez, honako jarduketen bidez:
1. Enpresentzako aholkularitza bateratze-planak ezartzeko.
2. Enpresetan bateratze-planak finantzatzeko diru-laguntza ildo espezifikoa ezartzea, Emakunde - Emakumearen Euskal Institutuak enpresetan garatzen dituen Berdintasun Planak ezartzeko diru-laguntzen ildoekin koordinatuta.
3. Aholkularitza teknikoko zerbitzua bateratze-planak ezartzeko;
4. Bateratze-neurrien sentsibilizazio- eta sustapen-kanpainak onura partekatu gisa;
5. Concilia web-orria bultzatzea, enpresak bateratzeko esparruan laguntzarako tresna efektibo gisa konfiguratzeko.
4. Erakundearteko lantalde baten sormena bultzatzea, Zerga Koordinazioko Organoaren markoan, kargura izandako seme-alaba bakoitzeko prestazioak eta oinordekoengatiko kenkariak batera kudeatzeko aukerak aztertzeko.