partekatu
• Zentzura-mozioa
Pedro Sánchez, Espainiako gobernuaren presidente berria
PSOEren idazkari nagusiak Mariano Rajoyren aurka egindako zentzura-mozioak 180 diputaturen babesa lortu du, Gürtel kasuarengatik Auzitegi Nazionalak PP kondenatu eta gero
Idoia Mendiak Pedro Sánchez zoriondu du sare sozialen bidez, eta, esan duenez, ziur dago gobernuko presidente izatearen erronka handiari aurre egiteko gai izango dela. “PSOEren garaia iritsi da, akordiorako eta eskubideak handitzeko; aro berri bat Espainiarentzat eta Euskadirentzat”
Presidente izendatu berri den , Pedro Sánchezek, esan du badakiela erantzukizun handia bere gain hartzen duela eta une politikoa zaila dela. Horrez gain, aipatu du gogoz eta ausardiaz ekingo diela herrialdearen erronkei eta buru belarri arituko dela, betiere adostasunaren bidetik.
Bere alderdiak aurkeztutako zentzura-mozioa arrakastatsu atera ondoren, Kongresuko korridoreetan Sánchezek ziurtatu du, aurretik dituen erronkak erabat ezagutzeaz gain, herrialdea eraldatu eta modernizatu nahi duela, bere ustez, gobernu sozialistek egin ohi dutenez.
Bigarrenik, arreta emango die "gizartearen premiei”, jende askok, tamalez, bizi duen "prekarietate eta desberdintasunari". Hori guztia egingo du “adostasunaren bidetik eta umiltasunez”, esan du Sánchezek, zeinak, halaber, zeinak ziurtatu duen lan egiteko gaitasun handiago izango duela eta buru belarri ibiliko dela presidente-lanetan, “herrialdeak merezi baitu”.