PSE-EE PSOE Socialistas Vascos

Idoia Mendia Euskal Sozialisten idazkari nagusiak herrialde aurrerakoiei eskatu die “ezkerraren espazio komunean” bat egiteko, etorkizunean Euskadi sozialak era kohesionatuan aurrera egitea bermatzeko. “Erantzun ezberdinak aintzat hartu behar ditugu, baina indarrak, energiak eta nahiak batu behar ditugu norabide berean ibili nahi dugunok”, adierazi du. Horrez gain, gogora ekarri du duela 25 urte Euskadiko Alderdi Sozialistak eta Euskadiko Ezkerrak gaur egungo PSE-EE osatzeko egin zuten batasuna.

Idoia Mendiak hitz horiek esan ditu Ramón Rubial Fundazioak Arriaga Antzokian antolatutako ekitaldi batean, PSE-EEren lehen kongresuan, 1993an, hartutako erabakia berretsi duten mila afiliaturen eta jarraitzaileren aurrean. “Gero eta indar gehiago batu, orduan eta hobea izango da Euskadiren etorkizuna. Gero eta handiagoa izan ezkertiarren etxe erkidea, orduan eta berme handiagoak izango ditu etorkizun horrek”, azaldu du.

Mendiak defendatu du Euskadik Espainiaren eta Europaren parte izan behar duela, “eta eskubide eta aukera berdinak dituzten gizon eta emakume askeez osatuta egon behar duela, gizarte mestizoa, anitza, modernoa eta barneratzailea izateko”. Gainera, nabarmendu du batasunari esker, alderdi biek aukera izan zutela “nortasunaren oztopoa hausteko, eta horrek aurrerapen handia ekarri zion euskal gizarteari terrorismoaren lubaki mingarria atzean uzteko”. Horrez gain, gogora ekarri ditu bakearen eta askatasunaren alde bizitza eman zuten kideak.

Adibidez, Txiki Benegas eta Mario Onaindia, batasunaren eragileak, Idoia Mendiaren hitzetan agertu dira, bai eta Ramón Jauregi PSE-EEren lehen idazkari nagusiarenetan eta garai hartan EEren idazkariorde nagusia zen Mikel Unzalurenetan ere.

“Orduan pentsatzen zuten Euskadi hemen da orain, mehatxurik gabe, inoiz baino lasaitasun, aurrerapen eta kohesio sozial gehiagorekin”, azpimarratu du Víctor Urrutia, duela gutxi hil den batasunaren pertsona nabaria, gogora ekarri aurretik.

Idoia Mendiak nabarmendu du Onaindiak bete zuen papera EEk ordezkatzen zuen ezkerraren zati horrek indarkeriari uko egin zionean: “2011ko urriaren 20tik dugun egoera beste batzuei zor diegu, adibidez, berari; izan ere, gizartearen zati bat indarkeriatik demokraziara igarotzen jakin izan zuten”.

Horrez gain, azaldu du alderdi bien batasunean jende berria egoteak aukera eman zuela herrialdea zuzentzeko eta krisiari eta terrorismoari aurre egiteko gai zen proiektu politiko bat indartzeko. “Euskadiko lehen gobernu sozialistak, alegia, Patxi López lehendakariaren gobernuak, ekarri zuen elkar-ulermenerako, aniztasunerako, egonkortasunerako eta askatasunerako garai berri horri atea irekitzeko aukera eman zuen. Gobernu horrek abian jarri zuen Euskadin diseinatutako konbergentzia”, baieztatu du.

Mendiak hitzaldiari bukaera eman dio animo-oihu batekin: “Gora Euskadiko Alderdi Sozialista! Gora Euskadiko Ezkerra”! Duela 25 urte ezarri zen. Lehenago, pentsiodunek jardunaldian zehar deitutako manifestazioak babesten dituela adierazi du. “Gaur sozialismoa kaleetan dago berriz ere, haiekin batera. Gaur berriz ere sozialismoak erantzuna ematen die beren eskakizunei. Ez ditugu bakarrik utziko”, azaldu du.

Ramón Jáuregui eta Mikel Unzalu.- Ramón Jáureguik, bestalde, gogorarazi du euskal nazionalismoa hautetsontzietan garaitu nahi duen gehiengo politiko bat dagoela, batasuna eragin zuena. Horrez gain, adierazi du alderdi bien batasunak “osagarritasuna” zekarrela. “Nahi politiko handiago bat zegoen: indarkerian militantzian egotetik nazionalista ezkertiar batzuek egin zuten igarotzea osatzea”, adierazi du. Jarraian, esan du Patxi Lópezen gobernua izan zela prozesu horren ondorioetako bat.

Jaureguik nabarmendu du ilusioak indarrago egin zuela euskal sozialismoa. “Ezkerra ez da bateragarria nazionalismoarekin, eta alderdi baten eta nazioarteko sozialdemokraziaren beharra du. Iragarle moduan, PSEk eta EEk Ibarretxek urte batzuk geroago planteatu zituen planen kontrako oinarri ideologikoa eraiki zuten, ETAk fisikoki gu ezabatzeko egin zuen saiakeraren kontrako gizarte-erantzuna elikatzeaz gain”, azaldu du.

“Gaur, batasunari esker, PSE-EE zeharkako alderdi garrantzitsua eta ezinbestekoa da, eta, batez ere, funtsezkoa euskal historiaren une garrantzitsuenetan”, ziurtatu du. Halaber, gehitu du Euskal Sozialistek tinko eutsiko diotela nazionalisten okerraren aurrean. Haiek “erabaki bat hartu eta ez dakit zer proiektu independentistekin zertara ari diren jolasten jakin behar dute”, Gernikako Estatutuaren erreformari buruz. “Eskubide osoa dugu esateko estatutuaren erreforma hitzarmenerako aukera bat dela. Katalunian nazionalismo suntsitzailea eragiten ari dena Euskadin ez dela gertatuko bermatuko dugu”, azaldu du.

Mikel Unzaluk nabarmendu duenez, PSE-EEren lehen kongresua ezin da gertakizun formal gisa hartu, “behar handi bat betetzeko prozesu luze baten amaiera izan zen, euskal ezkerra batzekoa, alegia”. Unzaluk azpimarratu du Onaindiak jende asko konbentzitu zituela “demokraziaren aldeko borrokaren helburuak eta ezkerraren batasuna lortzeko xedearen erreferentzia ezin zela galdu”. Horrez gain, sozialdemokraziarekin, nazioarteko ezkerrarekin eta askatasunaren eta berdintasunaren aldeko borrokarekin izan zuten konpromisoa goraipatu du, horrek ahalbidetu baitzuen Patxi Lópezen gobernua.

Eider Gardiazabal eta Azahara Domínguez.- Ramón Rubial Fundazioaren presidenteak, Eider Gardiazabalek, azaldu du ezin duela imajinatu Euskadin sortu eta garatu ziren ezkerraren proiektu biek sortu zutenaren alderdi ezberdin bat, elkartzeko deituta zeuden eta. “Bi korronte adiskideen batasunak, baldintza zailetan egin denak, indartsuago eta seguruago egin gaitu”, nabarmendu du.

JSE-Egazen idazkari nagusiak, Azahara Domínguezek, ekitaldian parte hartu duenak, ezkerraren batasunaren ahalegina nabarmendu du, zeinaren protagonista euskal sozialismoa izan den: “Ni alderdi horretara afiliatu nintzen sozialista naizelako, nire lurra maite dudalako; eta alderdi batek ere ez du honek bezain ahalegin handirik egin, pentsaerak eta harreman politikoak eta sozialak sortzeko”.