BERRIAK http://www.socialistasvascos.com es-ES http://www.socialistasvascos.com/images/rssPSE_EE_EUSKADI_2017.png http://www.socialistasvascos.com 150 100 http://www.socialistasvascos.com/nodo.php?lang=2&tipo=2&ID=31311 PSE-EEren Batzorde Betearazleak Euskadiko Berdintasun Politiken Aholkularitza Kontseilua sortzea onartu du bere azken bileran, emakume eta gizonen arteko berdintasun eragingarriko politiken arloko aholku- eta kontsulta-organo gisa. Tresna berri hori Ana Lopez de Uraldek zuzentzen duen PSE-EEko Berdintasun Idazkaritzan kokatuko da, eta euskal sozialismoaren berdintasun-politiken kalitatean, koherentzian eta zeharkakotasunean sakontzen jarraituko du, baita indarkeria matxisten kontrako borrokan ere.  Euskadiko Berdintasun Politiken Aholkularitza Kontseiluarekin, era berean, PSE-EEk zuzeneko aholkularitza izango du eskura berdintasun-politiketan, erabaki estrategikoak genero ikuspegia kontuan hartuta hartzen direla bermatuz. Kontseiluaren egiteko nagusien artean dira, besteak beste, hauek: ekonomia eta lan arloko arrakalak ixtea, emakumeek beren gorputzari buruz erabakitzeko duten eskubidea bermatzea, esparru publikoan emakumeen berdintasuneko parte-hartzea bultzatzea, eta indarkeria matxista errotik desagertzea.  “Aholkularitza organo berri horrek, era berean, beste organo, administrazio edo alderdi politiko batzuekin berdintasuneko politikei buruz batera eztabaidatzeko neurriak proposatzeko gaitasuna izango du, emakumeen eskubideak ziurtatuta egongo diren gizarte bat bermatzen lagunduko duen lankidetza bultzatuz horrela”, azaldu du Lopez de Uraldek. Aholkularitza Batzorde kontsultibo hori abian jarrita, Alderdi Sozialista osoak feminismoarekin duen apustu irmoarekin jarraitzen da. Horren isla da iragan ekainaren 27an PSOEren azken Batzorde Federalean onartu zen Berdintasuneko Politiken Aholkularitza Kontseiluaren sorrera.  Gobernu horren osaerari dagokionez, PSE-EEko Berdintasun Idazkaritzaren titularra izango da presidentea, eta sei eta hamalau bokal bitartean izango ditu ondoan. Kargurako izendatzen direnak ospe handiko pertsonak izango dira gizarte bidezkoago eta berdinzaleago baten aldeko borrokan, baita genero-ikuspegiaren defendatzaile irmoak direlako ere.  Ana Lopez de Uralde alderdiaren egungo Berdintasun idazkaria da Euskadiko Berdintasuneko Politiken Aholkularitza Kontseiluaren lehen presidentea. Lehen batzorde hori beste 13 kidek osatuko dute, eta hauek dira: Laura Alzola, Mari Jose Blanco, Arritxu Marañon, Teresa Laespada, Maria Guijarro, Rafaela Romero, Cristina Ubani, Carmen Esteban, Mentxu Ramiro, Sonia Archeli, Laura Cestau, Patricia Campelo, Sole Calderon.  “Emakumezko sozialistek urteak daramatzagu agenda feminista bat inplementatzen, gure gizartearen aurrerapenen ildotik. Arrazoi horregatik, emakumeentzako eskubideen zabalketan izan diren lorpen handien protagonista handiak gara, eskubide horien gauzatze eraginkorren protagonista handiak gara, legegintzako agenda baten eta Europan eta mundu osoan erreferenteak diren politika batzuen bidez. Argi dugulako ezin delako sozialista izan feminista izan gabe”, adierazi du Batzorde Betearazlearen Berdintasuneko arduradunak. Fri, 24 Jul 2026 11:32:00 GMT http://www.socialistasvascos.com/nodo.php?lang=2&tipo=2&ID=31303 PSE-EEko idazkari nagusiak, Eneko Anduezak, gizarte bidezkoagoa eta kohesionatuagoa lortzeko erakunde ezberdinetatik bultzatzen diren politika sozialisten gaitasuna nabarmendu du. Anduezak planteamendu horiek defendatu ditu postulatu baztertzaile eta zatitzaileen aurrean, horiek tentsioa sortzea eta biztanleria zatitzea bestetik ez baitute bilatzen. “Eskuinaren eta eskuin muturraren ‘lehentasun nazionalaren’ aurrean, nazionalismoaren ‘lehentasun nazionalaren’ aurrean, gure politiken ‘lehentasun soziala’ defendatuko dugu, eta konbikzio hori udaletara, batzar nagusietara eta aldundietara eramango dugu”, adierazi du. PSE-EEko Batzorde Betearazlearen bileraren ondoren Bilbon bildu den Batzorde Nazionalaren aurrean, Anduezak adierazi du sozialistak “oso urrun” daudela “eskuinak eta eskuin muturrak bultzatzen duten lehentasun nazionaletik”, eta ikuspegi hori “abertzaletasun zakarkituenaren diskurtsoetan ere” ageri dela. “Egiten dugun guztiaren, gure programen, gure politiken eta gure akordioen lehentasun soziala defendatzen dugu”, esan du. Batzorde Nazionalaren bilera horrekin, egitez, abian jartzen dira 2027ko maiatzaren 23an egingo diren hurrengo udal eta foru hauteskundeetarako hautagaiak aukeratzeko barne mekanismoak. Lurralde bakoitzeko antolakundeek erabakiko dituzten irailetik azarora bitartean egingo diren primarioetarako. Esparru horretan, Euskadin zein Espainian sozialismoak egiten duen “politika baliagarria” azpimarratu du buruzagi sozialistak. Eta beste alderdi batzuen jarrera kritikatu du fokua identitatearekin lotutako gaietan jartzeagatik. “PP eta Vox ados jartzen diren bitartean bazterkeriarako eta bereizkeriarako, eta EAJ eta EH Bildu berriz ere beren obsesioei emanik direla, Alderdi Sozialistak guztion bizitza hobetzea bilatzen du”, adierazi du. PSE-EEko idazkari nagusiak, bestalde, esan du euskal herritarrak konturatzen direla sozialistak udaletan, foru aldundietan eta Eusko Jaurlaritzan egiten ari diren kudeaketa onaz. “Sozialismoa guztien ongizateari emanik den Administrazio baten bermea dela diogu, eta arlo horretan aspertu arte errepikatu behar dugu eskubideak babesteari buruz”, esan du. “Ongizate komuna da erakundeetan gu egotearen arrazoia”, azpimarratu du. Eskuinaren eta eskuin muturraren, eta baita ere nazionalismoaren lehentasun nazionalaren aurrean, Euskal Sozialistek gure politiken lehentasun soziala defendatzen dugu udaletan eta aldundietan. Konbikzio horrekin joango gara udaletara, batzar nagusietara... pic.twitter.com/pTjlLrdDT8 — Eneko Andueza (@enekoandueza) July 14, 2026 Eta esan du sozialistak gobernu ezberdinetan egiten ari diren lan ona oinarri garrantzitsua dela herritarrek datozen udal eta foru hauteskundeei begira babes handiago emateko eta, horrela, eguneroko politiketan eragin handiago izateko.  “Politika hori da nik aldarrikatzen dudana, hori delako gurea. Eta ez dute zerikusirik moketekin, komisioekin eta auzitegiekin. Terrorismoaren urterik latzenetan demokraziagatik eutsi beharra zegoela eta erakundeak defendatu beharra zegoela ulertu zuen politika da. Bazekiena lanean erne eta tinko jarraitu behar zela, legearekin, gure auzokideekin egon behar zela”, azpimarratu du. “Prest gaude datozen hauteskunde orokorrak irabazteko, gure ahotsa aurrerabide nahian den gehiengo sozial horrena delako beti”, esan du, halaber, Eneko Anduezak. Eta gaineratu du proiektu sozialista dela “eskuina eta eskuin muturra berriro geratzeko gai” den bakarra. “Gure ahotsa aurrerabidearen eta gizarte kohesionatu, aske, abegitsu eta bakezkoaren alde egiten duen gehiengo sozial horrena izatea nahi dugu beti”, adierazi du. Agintari sozialistak harridura azaldu du, “ikusten ari garelako EAJk nolabaiteko itxaropen bat duela Espainian PPren eta Voxen balizko gobernu bati buruz”. “Hauteskun orokorrak izango dira aukera eskuinari eta eskuin muturrari galga jarri behar zaionaz eta jarri ahal denaz sinetsirik dagoen gehiengo sozial bat nola dagoen erakusteko”, esan du. Eta hau gaineratu du: “Ez zait ariketa oso osasungarria iruditzen arrazoizkotzat jotzea PPren eta Voxen gobernu bat egon daitekeela, EAJk gobernu horrekin kolaboratu dezakeela eta pentsatzea horrek guztiak ez diela eragingo euskal erakundeetan egun gobernuan diren gehiengoei. Derrigorrezkoa da, eta beharrezkoa, kritiko azaltzea xenofobia normaltzat jotzeko edozein saiakeraren aurrean eta mundu hau guztion artean eraiki behar dugula ulertzeari uko egitea”. Fri, 24 Jul 2026 11:31:00 GMT http://www.socialistasvascos.com/nodo.php?lang=2&tipo=2&ID=31289 PSE-EEk iritzi dio normaltasunaren barruan dagoela Konstituzio Auzitegiak Euskal Autonomia Erkidegoko Auzitegi Nagusiak (EAEAN) 2022ko Enplegu Publikoaren Legeari buruz egindako kontsulta izapidetzera ez onartzeko hartu izan duen erabakia, baina apaldu egin du erabaki horren garrantzia, iritzi baitio hizkuntzari buruzko eztabaidaren muina ez datzala kontsulta egin zitzaion 187.5 artikulu horretan, Enplegu Publikoaren Lege berriak ezabatu dituen nahitaez bete beharreko indizearen aplikazioan baizik. PSE-EEko Euskara idazkariak, Pau Blasik, gogoratu du abenduan bertan sozialistek garrantzia kendu ziotela kontu horri jakin zenean EAEANek kontsulta bat egingo ziola ANri, erabateko konfiantza azalduz euskal arauaren konstituzionaltasunaren gainean. Ez alferrik, kontsultak 187.5 artikuluari buruz ihardesten zuen. Artikulu horrek xedatzen du euskal administrazio publikoetako lanpostu guztiek dagokion hizkuntza-profila izan behar dutela esleituta hain zuzen ere, ez du ezer esaten EEPtan profil horiek aplikatzeko irizpideei buruz. Halatan, esan du Euskal Autonomia Erkidegoko Auzitegi Nagusiak edo administrazioarekiko auzien epaitegiek euskararen auziari buruz emandako ebazpenetako asko, zehazki, eskakizun horiek proportzionaltasun eta arrazoizkotasun ororen gainetik aplikatzen zirelako gertatu izan direla. “Gauza bat da hizkuntza-profila, antolaketarako tresna soil bat dena, eta beste bat horren derrigortasuna, hau da, hori betekizun bihurtzen den data. Euskal Sozialistek eta azken hilabeteotan herri honetako hizkuntza-politikari buruzko eztabaida publikoan parte hartu izan duten eragile gehienek ez dute ezbaian jarri artikulu hori”, azaldu du Blasik. Aitzitik, “eztabaida, beti, 1989. urtetik indarrean diren nahitaez bete beharreko indizeak aplikatzearen inguruan egon izan da, eta kontu hori ari dira zalantzan jartzen EAJ eta EH Bildu joan den ekainaren 26an legea erreformatzeko erabakiarekin”. Legebiltzarkide sozialistaren iritziz, harrigarria da 2022ko Enplegu Publikoaren Legea kritikatu eta aldatzeko premia aldarrikatzen zutenek orain ospatzen jardutea Konstituzio Auzitegiak lege horri buruz hartu duen erabakia. PSE-EEk ez. PSE-EEk 2022 Enplegu Publikoaren Legea landu, negoziatu eta, gero, horren alde bozkatu zuen, euskalduntze prozesuan aurrera jarraitzeko adostasuneko esparru egoki bat zela iritzita. Eta 2026ko legea landu, negoziatu eta, gero, horren kontra bozkatu du, kontrakoa ezartzen duelakoan. Edonola ere, poztu egin da “atzo arte euskararen kontrako eraso judiziala salatzen zutenek gaur pozteko arrazoiak aurkitzea Konstituzio Auzitegiaren erabakiengatik”. Auto osoa ezagutu arte eta Konstituzio Auzitegia Euskal Administrazioaren hizkuntza-politikaren muineko elementuak aztertzen hasiko den ala ez jakiteko zain, PSE-EEk adierazi du herri honetan duela 40 urtetik indarrean egon den hizkuntza-itunaren oinarriak defendatzen jarraituko duela, hots: herritarrek Administrazioarekin dituzten harremanetan hizkuntza hautatzeko askatasuna, botere publikoek eskubide hori bermatzeko duten eskubidea, eta herrialdearen eremu ezberdinen errealitate soziolinguistikora egokitzea. “Printzipio horien gainean arautu izan da gure araudia azken hamarkadetan, eta horixe da orain EAJk eta EH Bilduk desegin nahi dutena. Konstituzio Auzitegiaren erabakiaren xede izan den artikuluak ez dauka zerikusi handirik horrekin”, adierazi du. Fri, 24 Jul 2026 11:30:00 GMT http://www.socialistasvascos.com/nodo.php?lang=2&tipo=2&ID=31272 PSE-EEren Batzorde Betearazleak Joxe Ramon Bengoetxea EHUko errektoreari eskatu nahi dio berma ditzala ikasleen eskubide eta aukera-berdintasunak unibertsitatera sartzeko probetan. Izan ere, eskubide hori ez da argi eta garbi bermatu USaPen azken deialdiko azterketa jakin batzuen ebaluazioan. Auzitegiek lortutako notaren gainean helegitea jarritako ikasleei buruz emandako erabakia jakin ondoren –EHU behartzen du kontuan ez hartzera Euskara eta Euskal Literatura II ikasgaiko proba–, PSE-EEren ustez ezinbestekoa da ikasle guztien eskubideak babestea, beren etorkizuneko prestakuntzarako dituzten itxaropenak kalteturik gabe. “Deitoratu egiten dugu errektoreak emandako azalpenek ez dituztelako ondo argitzen ikastetxe jakin batzuetako notetan zeroak pilatu izanaren arrazoiak, eta ez dugulako EHUk egoera hori berriro errepikatu ez dadin hartutako neurrien berririk. Kontu horri buruz den gardentasun faltak ez ditu uxatzen zalantzak izandako suspentso kopuru neurrigabeari buruz zalantza horiek argituta egon behar ziren dagoeneko, eta orain konponketa zaila daukan prozedura judizial bat saihesten lagundu behar zukeen”, adierazi du Patricia Campelo PSE-EEko Unibertsitate, Berrikuntza eta Ikerketako idazkariak. Eta hau erantsi du: “Edonola ere, Eusko Jaurlaritzako Hezkuntza Sailari eskatzen diogu jarrera proaktiboa manten dezala ereduen defentsan eta jarrera beligerantea egungo sistema auzitan jartzeko edozein saiakeraren aurrean sistema horrek, izan ere, ikasle guztiei bi hizkuntza ofizialetan gaitasun egokiak emateko betebeharra du. Eta arbuiatu egiten dugu sortu izan den egoera hizkuntzako apartheid baterako urratsak emateko argudio bezala erabiltzea, Enplegu Publikoaren Lege berriarekin milaka euskaldun baztertuz ezarri nahi denaren parekoa dena”. Fri, 24 Jul 2026 11:27:00 GMT http://www.socialistasvascos.com/nodo.php?lang=2&tipo=2&ID=31253 PSE-EEko idazkari nagusiak, Eneko Anduezak, esan du jendearen bizitza hobetzera zuzendutako politika aurrerakoiak direla eustormarik onena noraez populisten aurrean. Anduezaren esanetan, euskal sozialismoa bide horretan sakontzen joango da herritarren eskubide eta askatasunak ez daitezen inolaz ere murriztuak izan. “Europa zeharkatzen duen olatu erreakzionario horren aurrean, pertsonen bizitza hobetzen duten neurri aurrerakoiak defendatuko ditugu”, adierazi du.  XIX. Ramon Rubial Sarien edizioko sari ematea Donostian egin izan da “Valores con voz propia. Berezko argia duten balioak” lemarekin. Sarituen artean dira UGT eta CCOO sindikatuak, eta Pepe Alvarez eta Unai Sordo bietako idazkari nagusiek ordezkaturik egon izan dira. Sindikatuek Demokraziaren eta Askatasunaren Defentsa saria jaso dute. Horren haritik, Eneko Anduezak poza adierazi du jende asko dagoelako “erresistentzia egin eta irabazteko prest” demokrazia eskuin muturraren erasoetatik babesteko.  “Ni ez naiz nekatuko. Ramon Rubial Fundazioa ere ez. Euskal sozialismoa, nire alderdia, ezta ere. Pertsonen bizitza hobetzeko eta justizia sozialaren alde borrokatzeko aurrerabideak betetzen duen egitekoa aldarrikatzeko unea da”, adierazi du. Anduezak sindikatuen eginkizun “aparta” azpimarratu du balio demokratikoen eraikuntza horretan. “Espainiako klase-sindikalismoaren indarra pozgarria zaigu progresismoan militatzen dugunontzat”, adierazi du.  #Europa zeharkatzen duen olatu erreakzionario horren aurrean, pertsonen bizitza hobetzen duten neurri aurrerakoiak defendatuko ditugu. Gainean dugun populismoari erresistentzia egiten eta irabazteko gehiengo sozial bat dago. Ez dugu amore emango… pic.twitter.com/7vGYmx5xgc — Eneko Andueza (@enekoandueza) June 28, 2026 Buruzagi sozialistak, halaber, bi sindikatu horiek Elkarrizketa Soziala garatzeko orduan egin izan duten lana azpimarratu.  Anduezak esan du eragile ezberdinen arteko akordioari eta lankidetzari esker jarri izan direla martxan Erakunde Parte-hartzerako Euskal Legea, Langile Heziketako Eredu Propioa edo lan-merkatuko Migrazioei buruzko lan-taldearen sorrera bezalako neurriak.   PSE-EEko idazkari nagusiak, bestalde, aitortza egin dio Iratxe Garcia Europako Parlamentuko Sozialisten eta Demokraten Taldeko presidentearen “borrokako ibilbideari” ere, “eskubideen eta askatasunen Europaren etorkizuna jokoan den tokietan”.  Eneko Anduezak eurodiputatuaren lana goraipatu du, zeinak Balio Sozialisten Defentsako Ramon Rubial Sariari eman baitiote Europako erakundeak herritarrengana hurbiltzeagatik. Eta “Europako instantzietan egunero zer jorratzen den ezagutzera emateak” duen garrantzia azpimarratu du.   Hauek izan dira hemeretzigarren edizio honetako beste sarituak: Larrialdietako Unitate Militarra-UME, Elkartasunaren eta Lankidetzako Saria Almudena Ariza kazetaria, Komunikazioaren Saria Ezezagunok, Kulturaren Saria Cidetec, Enpresaren Saria Magialdia-Magiaren Nazioarteko Jaialdia, Euskadi Munduan Sustatzearen Saria Nautica Portugalete Kirol Taldea, Kirolaren Saria eta Lurgaia Fundazioa, Iraunkortasunaren eta Ingurumena Zaintzearen Saria. Mon, 06 Jul 2026 09:35:00 GMT http://www.socialistasvascos.com/nodo.php?lang=2&tipo=2&ID=31230 PSE-EEko idazkari nagusiak, Eneko Anduezak, azpimarratu du sozialistek erabakimenez eta energiarekin jarraituko dutela lanean arabar eta euskal herritarren kezka nagusiak konpontzeko. “Sozialistek hemen jarraitzen dugu, kementsu, inoiz baino gogo gehiagorekin, batzuen gogoz bestera bada ere”, adierazi du.  Iruña-Okan lurralde osoko afiliatu eta zaleekin egin den Arabako Elkarteen Jaian, Andueza harro azaldu da “Araban sortu zen lehen alderdia” izateagatik, 1897. urtean Gasteizko lehen Elkarte Sozialista zela gogora ekarriz. “1897 urruan hartatik, orduko asmo berdinarekin jarraitzen dugu hemen, gizarte bidezkoago bat eraikitzeko, desberdintasunaren kontra borrokatzeko eta ongizate kolektiboa hobetzeko”, esan du.  “Arabako Alderdi Sozialistaren historian zerikusi handia du botere faktikoen erresistentziak eta botere ekonomikoek langile-antolakundearen kontra egindako erasoek”, adierazi du. Sozialistek bakean den gizarte berdinzale eta bidezko baten eraikuntzan duten konpromisoa azpimarratu du Eneko Anduezak. “Gure historia iltzatuta dago Gerra Zibilean eta gero, diktaduran, faxismoaren kontrako erresistentziagatik, terrorismoaren kontrako borrokagatik edo erakundeen eta legearen defentsagatik “, esan du. Eta sozialistek gehiengo sozialaren zerbitzura diren erakunde batzuk bermatzeko duten egiteko ona nabarmendu du.  Horren haritik, PSE-EEko idazkari nagusiak adierazi du hori guztia “agerikoa” dela Gasteizko alkateak gobernatzeko duen moduan. Anduezak balioa eman dio Maider Etxebarriak elkarrizketa eta lankidetza erabiliz gobernatzeko duen moduari, “Aurrekontuak edo Plan Orokorra aurrera ateratzeko indarrak eraginkortasunez, zorroztasunez eta ezberdinen artean akordioak eginez batzea” lortu izan duelako.  “Hiru urte baino gehiago dira hiriko lehen emakumezko alkate bihurtu zela, eta gaur esan dezakegu pronostikorik onenak ere bete izan dituela. Denok espero genuelako Maiderren lidergo-erakustaldiak eta baikortasun-bultzadak altxatu egingo zuela hiriaren aldartea. Eta guztia berretsi izan da”, adierazi du.  Hemen jarraitzen dugu, batzuen gogoz bestera bada ere, beti bezalako aldartearekin eta inoiz baino gogo handiagoarekin gizartearen ongizaterako lanean jarraitzeko helburua betetzen. Harro esan dezakegu #Araba-n sortu zen lehen alderdia garela, jendearen alde lan egiten denbora gehiena daramana… pic.twitter.com/dzcK8pRxdO — Eneko Andueza (@enekoandueza) June 20, 2026 Iruña-Okan Mitxel Montesek edo Zanbranan Trini Zarzak bezalako beste arabar alkate sozialista batzuek egindako lana ere azpimarratu du buruzagi sozialistak. “Hementxe gaude, egunero borrokan alkatetza horietatik, udalerri dinamikoak sortzeko proiektuekin eta asmo onekin”, adierazi du. Zerga-harmonizazioa  Arabako PSE-EEko idazkari nagusiak, Javier Hurtadok, EAJk Bizkaian iragarri dituen zerga-aldaketak izan ditu hizpide. Esan du Alderdi Sozialista proposamen hori aztertzeko prest dagoela, baina edozein kasutan ere negoziatu egin beharko dela.  “Oso argi utzi nahi dut: elkarrekin gobernatzen badugu, elkarrekin erabaki behar dugu. Hori da edozein akordiorako oinarria eta, halaber, egonkortasunaren eta bazkideen arteko errespetuaren bermerik onena. Hemen, Araban, irekita gaude gure zerga-sistema hobetzen lagunduko duten proposamen guztiak eztabaidatzeko, hitz egiteko eta aztertzeko. Baina ez gaude inoren esaneko planteamenduak onartzeko prest, Arabako fiskalitateari buruzko erabakiak ezin direlako izan beste lurralde batzuetatik ezarriak”, adierazi du. Eta lurraldeen artean zerga-arauak harmonizatzearen beharraz ohartarazi du, eta PSE-EEk ere ekarpenak egingo dituela erreforma berri bat egin nahi bada: “Edozein aurrerapen hiru foru-ogasunen arteko akordio batetik eta gobernu-erantzukizunak partekatzen ditugun indar politikoen arteko elkar ulertzetik etorri behar du. Zerga arloko neurriek ezin dute inolaz ere hautsi gaur egun Euskadin den zerga-harmonizazioa. Eta beste gauza garrantzitsu bat ere esan nahi dut: zerga-erreforma berri bat badago, erreforma horrek Alderdi Sozialistaren lehentasunak jasoko ditu”. Hurtadok esan du PSE-EE konprometituta dagoela lurraldearekin “beste batzuk Madrilen gertatzen denari, Bizkaian erabakitzen denari edo beren barruko gatazkei adiago dauden bitartean”. “Guk oso argi dugu zein den gure lehentasuna: Araba. Gure konpromisoa lurralde honekin eta bertan bizi diren pertsonekin da”, azaldu du. Eta Aiaraldeko industriaren eta enpleguaren egoeraz ohartarazi du. “Asko kezkatzen gaitu Aiaraldeko egoerak. Arabako PSE-EE zeharo engaiatuta dago kontu horretan, konponbideak aurkitu eta enplegua eta jarduera ekonomikoa zaintzeko. Horretarako, albora utzi behar ditugu orokortze bidegabeak, ahaldun nagusiak egin ohi duen bezala”, aurpegiratu dio Ramiro Gonzálezi. Aldi berean, UGT eta CCOO sindikatuak aldeztu ditu, “egunero erakusten ari direlako posible dela langileen interesak erantzukizunetik defendatzea, negoziazio-mahaietan eseri eta akordioak bilatuz”, esan du. Etxebizitza, segurtasuna eta garbiketa Gasteizen Gasteizko alkateak, bere aldetik, esan du “ikuspegi errealista eta positibo” baten alde egiten dutela “eskuinaren eta eskuin muturraren kontzeptu negatiboaren aurrean”. “Jakina hobetu ditzakegula auzoak. Jakina etxebizitza gehiago egin daitezkeela. Segurtasuna eta garbiketa hobetu daitezkeela, jakina, ba”, adierazi du esparru horietako neurriak azpimarratu ondoren, adibidez 1.000 etxebizitza baino gehiago prezio eskuragarri batean eraikitzeko hitzarmena, Udaltzaingoaren plantilla beste 50 agenterekin handitu izana edo garbiketako kontratu berria.  Ildo horretan, Maider Etxebarriak esan du gasteiztarren bizi-kalitatea hobetzeko ekintza horiek “Alderdi Sozialista gobernuetan izateko beharra erakusten duten adibide soil batzuk” besterik ez direla. “Egonkortasuna, konfiantza eta elkarrizketa eskaintzen ditugu”, azpimarratu du.  Alkate sozialistak elkarrizketaren alde azaldu da ongizatean urrats gehiago emateko, “gure helburua eraikitzea delako, ez suntsitzea”, adierazi du. “Positiboan gobernatzen dugu, besteen ezezkoaren aurrean guk letra handiko baietza ematen dugu”, adierazi du. Eta “hitzak praktikara eraman” behar direla esan du, PSE-EEk arabar hiriburuko udalaren buruan egiten duen bezalako kudeaketa arduratsu eta eraginkorraren bidez.  Gasteizko alkateak, azkenik, hirirako dauden beste proiektu estrategiko batzuk ere aipatu ditu, tranbiaren zabalpena, Plan Orokorraren onarpena –Mercedez-Benz faktoria zabaltzea ahalbidetu du– edo Principal Antzokiaren edo Goia eraikinaren erreformak, esate baterako. “Aurrerabidea defendatzeko eta gauzei buruzko gure ikuspegia sendotzeko gaude gaur hemen”, adierazi du.  Wed, 22 Jul 2026 10:18:00 GMT http://www.socialistasvascos.com/nodo.php?lang=2&tipo=2&ID=31221 PSE-EEko idazkari nagusiak, Eneko Anduezak, sozialismoa jarri du LGTBI eskubideen arloan eskuinaren eta eskuin muturraren planteamendu atzerakoien eustorma nagusi gisa. “Alderdi Sozialistak aurrera egiten jarraituko du LGTBI askatasun eta eskubideetan PPren eta Voxen atzerapausoen aurrean”, adierazi du.  PSE-EEko LGTBI Idazkaritzak Bilbon antolatu duen “Harro-harro” ekitaldian, “LGTBI politika sozialistak: ikuspegi globala eta tokiko ekintza” izeneko mahai-inguruan, Anduezak askatasunei galga jarri nahi dien guztien postulatuak salatzeak duen garrantzia azpimarratu du. “Askatasunen kontuan, atzerako urratsek bi izen dituzte herri honetan: Vox eta PP. Uste dut argi adierazi beharra dagoela norena den horren gaineko erantzukizuna”, adierazi du jardunaldiari hasiera ematean, Victor Gutierrez PSOEko LGTBI idazkaria ere bertan zela.  Alderdi Sozialistak aurrera egiten jarraituko du LGTBI askatasun eta eskubideetan PPren eta Voxen atzerapausoen aurrean.#conmuchoorgullo pic.twitter.com/FXbKMLPaRC — Eneko Andueza (@enekoandueza) June 18, 2026 Buruzagi sozialistarentzat, “funtsezkoak izan gara LGTBI eskubideen aldeko borrokan eman izan diren mugarrietan”. “Norabide horretan jarraituko dugu lanean, eskuina eta eskuin muturra gaiztotzen saiatzen diren giroa gorabehera”.  Eneko Anduezak, beste alde batetik, beharrezkoa irizten dio erakundeetatik babesa ematea Harrotasun Eguna ospatzeko, “udalen eta beste erakunde batzuen konpromiso hori gizarte osoak kolektiboaren aldarrikapenei ematen dien babesaren isla delako”. Anduezak nabarmendu duenez, “inoiz baino beharrezkoagoak dira sentsibilizazio-kanpainak”. Batik bat, gazteenei eta kirola bezalako esparru zehatzetara zuzenduta direnak. Tue, 14 Jul 2026 07:16:00 GMT http://www.socialistasvascos.com/nodo.php?lang=2&tipo=2&ID=31213 PSE-EE eta EAJ-PNV alderdiek guraso bananduentzako PFEZko zerga-araudia aldatzea erabaki dute. Araban, Bizkaian eta Gipuzkoan egingo diren doikuntzen helburua da bananduta diren guraso, adoptatzaile zein harrerakoen kasuan mantenu ekonomiko esklusiboa justifikatzeko elementuak eta frogabideak eguneratzea, horiek beren oinordekoekin aitorpen bateratua egitea ahalbidetzeko. Zehazki, eta 2025eko zerga-berrikuspenaren esparru orokorra errespetatuz, eguneratu egingo dira pertsona bakar batek noiz hartzen duen era esklusiboan bere gain adingabeen mantenu ekonomikoa akreditatzeko irizpideak eta frogabideak. Hala, seme-alaben gastuak bere kabuz ordaintzen dituztenek familia-unitatearen baterako zergapetzean jarraitu ahalko dute, beren egoera ekonomiko erreala kontuan izango dela bermatuz horrela. Aldaketa horrek ez dio ukitzen justizia fiskalaren eta baliokidetzat jo daitezkeen gaitasun ekonomikoen aurrean tratamendu ekitatibo eta berdinzale bat emateko helburuari, eta EAJ-PNV eta PSE-EE alderdiek 2025eko zerga-berriskuspenak izandako inpaktuak identifikatzeko eta, hala badagokio, behar denetan doikuntza egiteko elkarrekin lan egiteko adierazi izan duten borondatearen ondorio da.  Horren ildotik zehazten da, hain zuzen, aipatu alderdi horietan araudi aldaketa. Halatan, alde batetik, malgutu egiten da frogaren zama guraso, adoptatzaile edo harrerako bakar batek bere gain mantenu ekonomiko esklusiboa duela justifikatzeko orduan. Eta, bestetik, aldatu egiten da mantenu ekonomikoa esklusiboa dela erabakitzeko azpitiko atalasea. Seme-alaben zaintza esklusibotasunez daramaten kasuetan, gutxieneko zenbateko bat ezartzen da mantenu ekonomikoa esklusiboa dela onesteko elikadura-pentsioarentzat, Botere Judizialaren Kontseilu Nagusiak ezarritako erreferentzien ildotik. Thu, 09 Jul 2026 12:32:00 GMT http://www.socialistasvascos.com/nodo.php?lang=2&tipo=2&ID=31205 Eneko Andueza PSE-EEko idazkari nagusiarentzat, Eusko Jaurlaritzak neurriak jarri behar ditu martxan Ekialde Hurbilean sortutako Amerikako Estatu Batuen eta Israelen gerrak ekarri duten bezalako egoeren aurrean gizarte osoa babesteko eta, aldi berean, erronka global handiei erantzuten jarraitzeko. “Gobernu gisa dagokigun erantzukizunaz jokatu beharrean gara, euskaldunak babestuko dituen berehalako neurriak martxan jarri beharrean gara, ahulenei, hots, langile klaseari, enpleguari eta gure pentsiodunei segurtasuna emango diena. Eta, hori guztiori, trantsizio energetikoa, krisi demografikoa, Adimen Artifiziala edo zainketa-ereduaren birdiseinua bezalako horren eraldaketa konplexuen erdian”, azaldu du Eusko Legebiltzarra egiten ari den osoko bilkura monografikoan. Euskadik gizarteko geruza kalteberenen aldeko ongizate-maila handiagoetarantz urratsak emateko orduan sozialismoak gobernuetan duen eragina aldarrikatu du Anduezak. “Eraldaketarako, lidergorako, ekintza politikorako eta herrialde-erantzukizunerako garaiak dira. Eta gobernu guztietan gaude horretarako: eraldaketarako, ekintzarako eta lideratzeko”, adierazi du. “Hamaika arrazoi ditugu aditzera emateko dagoeneko eskuinaren atzera-egite politikoaren biktima izan zen gizarte-babeserako sisteman urrats bakar bat ere ez dugula atzera emango”, esan du 2008ko krisi ekonomikoaren ondoren gertatutakoa aipatuz. PSE-EE “Euskadi aurrerabidean jartzen duen bide-orria zorrotz-zorrotz betetzeko eguneroko ekintzan bete-betean murgildurik” dagoela bermatu du buruzagi sozialistak. Eta “politika sozialistek beren eraginkortasuna erakutsi” dutela “ahal dena salba dadila”ren aurrean. “Horrelaxe ulertu zen Pedro Sánchez presidenteak bultzatuta Berreskurapen Funtsekin pandemiari eman zitzaion europar erantzunarekin horrelaxe erantzun genion Ukrainiako inbasioaren ondorengo inflazio-espiralari eta horrelaxe erantzuten diogu, gaur, Irango gerratik eratorritako ezegonkortasunari”, azaldu du. Horren haritik, Anduezak munduko bazter askotan eskubideak murrizten dituen inboluzio-arriskuaz ohartarazi du, “azkenean herritarren bizi-segurtasunari” eragiten diona, haren hitzetan. “Gure Ongizate Estatua mehatxaturik dago ezegonkortasunagatik, beldurraren diskurtsoengatik eta jendearen zailtasunak sekula betetzen ez diren konponbide magikoak eskaintzeko baliatzen dituzten populismoengatik”, adierazi du.  Gobernu gisa dagokigun erantzukizunaz jokatu beharra dugu ahulenak, langile klasea, babestuko dituen eta segurtasuna emango dien neurriak martxan jartzeko.#2añosmásdeizquierdautil pic.twitter.com/SiJIbaiqow — Eneko Andueza (@enekoandueza) June 17, 2026 Testuinguru horren aurrean, erakundetatik erantzun argi bat ematearen alde azaldu da, “gobernu erantzukizunetik konponbide errealak” emanez. “Indar progresistek irmo eutsi behar diogu kexaren paralisiaren aurrean eta diagnostikoaren eta prospektibaren laborategian eroso-eroso geratzea nahiago dutenen aurrean”, adierazi du. PSE-EEko idazkari nagusiak, bestetik, Eusko Jaurlaritzan sozialistak buru diren sailetan lortu izan diren aurrerapenak aletu ditu. Mikel Torres lehendakariordearen sailak egindako lanari esker euskal ekonomiak erakusten duen norabide egokia azpimarratu du Anduezak. “Garai ona ari gara igarotzen, nazioarteko asaldurak eta muga-zergen mehatxua gorabehera. %1,9ko igoera aurreikusten da urte honetarako”, esan du. Buruzagi sozialistak, era berean, euskal enpleguak izan duen bilakaera ona nabarmendu du, eta Gizarte Segurantzari kotizatzen dioten 1.042.000 langile edo langabezia-tasa %6,5 inguruan egotea eman ditu adibidetzat. “Arrakasta hori, Euskadin, Europako Funtsen kudeaketa akasgabean nabaritzen da”, gaineratu du. Mugikortasun jasangarriaren arloan, berriz, Eneko Anduezak esan du garraio publikoa dela “aukera-berdintasuna bermatzeko eta langile familien kontziliazioa errazteko tresnarik indartsuenetako bat”. Eta ildo horretan ezarritako hainbat neurri aipatu ditu, hala nola garraio publikoan jarri izan diren hobariak edo “herrialdea eraldatzen duten tamaina handiko obrekin” ematen ari diren urratsak, Donostiako Topoarekin, Bilboko Metroaren 4. eta 5. lineekin edo Gasteizko Zabalganako tranbiarekin gertatzen ari den moduan”. “Hori da herrialdea kohesionatzeko mugikortasuna, ez eztabaida antzuekin geraraztekoa. Beste batzuk identitate-eztabaidetan nahasturik dabiltzan bitartean azpiegiturei buruz, guk jendearen patrikarentzat lagungarri diren politikak exekutatzen ditugu”, esan du Susana Garcia Chuecaren sailburutzako politikei erreferentzia eginez. Etxebizitza kontuan, Denis Itxasok zuzentzen duen sailak bizitegi-krisia arintzeko bultzatu izan dituen neurri batzuk xehatu ditu euskal buruzagi sozialistak, hots: Premiazko Neurrien Legearen onarpena, eremu tenkatuetan alokairuen prezioa mugatzea edo Gaztelagun edo Bizigune programetako baldintzak hobetzea. “Etxebizitza duin baterako sarbidea bermatzeak ekintza publiko iraunkor, anbiziotsu eta ausart bat eskatzen du, merkatuan behar denean esku hartuko duena. Horixe da bide-orri sozialista: egintzak, legeak eta eraikitako pisuak”, gaineratu du. Eneko Anduezak, halaber, balorazio positiboa egin du Maria Jesus San Josek zuzentzen duen sailburutik “justizia irisgarria, modernoa eta birgizarteratzera eta bizikidetzara zeharo zuzendutako bat” bermatzeko orduan egin den lanari buruz, eta baita Javier Hurtado buru duen sailburutzan euskal udalerriei turismoaren fenomenoa kudeatzeko orduan baliabide gehiago emango dizkion Turismo Lege berria onartzeko egin duen lanari buruz ere. Mon, 06 Jul 2026 09:35:00 GMT http://www.socialistasvascos.com/nodo.php?lang=2&tipo=2&ID=31144 PSE-EEko idazkari nagusiak, Eneko Anduezak, esan du egungo Eusko Jaurlaritzak jendearen bizitza hobetzeko ezkerreko politika eraldatzaileak bermatzen dituen bide-orri bat lantzen jarraituko duela sozialisten lan eta eraginarekin. Anduezak azpimarratu duenez, PSE-EEk, kudeaketa eraginkor bat egiteaz gain, Exekutiboa euskal herritarren benetako kezkak konpontzeari zuzenduta egotea lortzen du. PSE-EEren parte-hartzearekin, Gobernu hau konprometituta egongo da politika aurrerakoiak bultzatzen dituen formula arrakastatsu horrekin. Oso pozik gaude egiten ari garen lanagatik”, adierazi du. Euskal legegintzaldiaren erdia bete izana ospatzeko Donostian egin den ekitaldian, sailburu, militante, zale eta kargu sozialistak bertan zirela, hauexek izan dira, labur-labur, Anduezak erakundeetan egin izan den kudeaketari buruz esan dituen hitzak: “Harro egon gaitezke eta egon behar dugu”. Topaketa Miramongo Parkean egin izan da, “2 años más de izquierda útil / 2 urte gehiago. Ezker baliagarria” lemarekin. “Gure sailburuak benetan ondo ari dira egiten gauzak. Ez nuen batere zalantzarik orduko 2024ko ekain hartan ere, koalizioko Gobernuaren eraketa negoziatu genuenean, baina gaur esan beharra daukat bete izan ditugula espektatibak, ene ustetan”, adierazi du. Horren haritik, lan guztia “lehen minututik arrandiarik gabe baina asmoak oso argi” zirela egin izan dela azpimarrtu du buruzagi sozialistak. “Balioa eman behar zaio lan horri, lan asko egin izan da, eta baita lortu diren emaitzei ere”, esan du. PSE-EEren parte-hartzearekin, koalizioko Gobernu hau konprometituta egongo da politika aurrerakoiak bultzatzen dituen formula arrakastatsu horrekin. Behar den denbora guztia.#2añosmasdeizquierdautil pic.twitter.com/j9DZytLBGa — Eneko Andueza (@enekoandueza) June 6, 2026 Aberastasuna eta oparotasuna sortzeko erakundeei egonkortasuna emateak duen garrantzia azpimarratu du Eneko Anduezak, eta Euskadiren onerako ziren akordioak lortzeko orduan sozialistek eskua luzaturik nola izan duten nabarmendu du. “Kolaboraziorako gure borondatea zenbait diferentzien gainetik dago”, adierazi du PSE-EEko idazkari nagusiak, eta horren adibide gisara jarri ditu Etxebizitza arloko Premiazko Neurrien Legearekin, hiru batzar nagusietan zerga-erreformari buruz edota Bilboko Metroaren 4. lineari buruz lortu izan diren akordioak. Dena dela, PSE-EE beti “askatasunez” adieraziko dela esan du Anduezak, langileen eskubideen defentsan gertatzen den bezala. “Saihestu egin behar dugu gizartearen zati bati euskara ulertzeko modu jakin bat inposatzea”, adierazi du bi alderdi horiek Administrazioko euskara eskakizunei buruz lortu nahi duten akordioaren gainean. “Eta eskubideentzako euskara langa bat ez izatea defendatuko dugu, gure identitatearen eta gure kulturaren parte dela baizik”, adierazi du. Etxebizitza eta Hiri Agenda sailburuak, Denis Itxasok, PSE-EEren koherentzia eta iragartzeko duen gaitasuna defendatu ditu, eta haren hauteskunde-programak dagoeneko iragarri zuela, orain dela urte batzuk, etxebizitzaren arazoak izango zuen bilakaera. Horren haritik, esan du sozialistek denbora daramatela neurri ugari bultzatzen, herritarrengan eragin zuzena dutenak. “Euskadin ez da sekula egon alokairurako orain bezainbeste etxebizitzarik, eta hori PSE-EEk bultzatutako zerga-erreformari zor zaio, etxebizitza alokairuan jarri zuten jabeei desgrabazioak eta pizgarriak eskainita”, azaldu du Itxasok. Maria Jesus San Jose Justizia eta Giza Eskubideen sailburuak, bere aldetik, esan du memoriarik gabe ez dagoela ez justiziarik, ez erreparaziorik, ez egiarik, ez bizikidetzarik. “Guk biktimak jartzen ditugu erdigunean, hurbiltasunean, entzute-ariketan eta laguntasunean oinarritutako lan isil, diskretu eta konfidentzial baten bidez, ez bakarrik biktimentzat, baita horien senideentzat ere. Turismo, Merkataritza eta Kontsumo sailburuak, Javier Hurtadok, tasa turiskoak lortu duen arrakasta aldeztu du, sozialisten bulkadari esker errealitate bat izango dena. Tasa horri esker, Euskadik “abangoardian jarraitzen du eta Europako gainerako herriekin homologatzen da”. “Beste alderdi batzuk ez bezala –esan du–, guk sektorea indartzearen aldeko apustu egiten dugu, zerga homogeneo nahiz piskanakako bat aplikatuz”. Mugikortasun Jasangarriko sailburuak, Susana Garcia Chuecak, sare sozialek herritarrekin zuzeneko komunikaziorako betetzen duten eginkizuna azaldu du, “zero kilometroko komunikazioa” deritzona, alegia. “Atsegina ematen digu politikara dedikatzen garenok zer eta nola egiten dugunaren kontu eman ahal izatea”, adierazi du. Garcia Chuecak garraio-sistemetan 12 urtetik beherakoentzako den hobari eta doakotasuneko politika defendatu du, “egiturazko neurri bat, geratzeko etorri dena”, adierazi du. Eta autoa etxean utzi nahi bada erabiltzaileek “garraio jasangarri, efiziente eta kalitateko batez gozatzeko aukera” izan beharko dutela azpimarratu du, eta bidaiarien gehien-gehiena ikastera edo lanera doan jendea dela. Halaber, Donostiako Topoan, Lezo-Gaintxurrizketa plataforma logistikoan, tranbia Zabalganako auzora luzatzean edo Bilboko Metroaren 4. Lineako akordioaren berrikuntzak azaldu ditu. Mikel Torres lehendakariorde eta Ekonomia eta Enplegu sailburuak dio euskal ekonomia “sendo” dagoela eta joera ona ari dela erakusten “egiten ari garen politikei esker”. Eta Euskadiko gobernuetan PSE-EEk parte hartu izanaren garrantzia nabarmendu du. “Funtsezko pieza bat izan gara, gu gabe ez zelako egongo politika baliagarriei begirako aurrerapenik. Ezberdinen artean akordioak lortzeko gaude gu hemen”, esan du. “Hori bai, elkarrekin gobernatzen badugu, elkarrekin erabakiko dugu”, esan du. Sun, 28 Jun 2026 03:41:00 GMT