Web gune honek cookieak erabiltzen ditu, propioak eta beste batzurenak. Nabigatzen jarraituz gero gure cookien politika onartzen duzula ulertzen da.
Adi egon! Adi egon!

Azaroa 2023

AL AR AZ OG OR LR IG
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30
Itxi
PSE EUSKADI

PSE-EE PSOE Socialistas Vascos

Berriak

partekatu  partekatu

  •   Diru-sarrerak Bermatzeko Euskal Sistemaren Legea

Idoia Mendia: “Diru-sarrerak Bermatzeko Sistemaren lege berriak hobetu egiten du errenta, hobetu egiten du izapidea eta hobetu egiten du gizarteratzea”

Lehendakariordeak azpimarratu du sozialistek bultzatutako eta Eusko Legebiltzarrak onartutako legeriak baliabide publikoen kudeaketa hobea bermatzen duela

1. argazkia
La Vicelehendakari y consejera de Trabajo y Empleo, Idoia Mendia, acompañada por el Secretario General del PSE-EE, Eneko Andueza, y los parlamentarios del Grupo Socialistas Vascos-Euskal Sozialistak, Ekain Rico y Gloria Sánchez | Foto: Socialistas Vascos

Eusko Legebiltzarrak azken urteotako gizarte maila handienetako lege bat onartu du, Idoia Mendia lehendakariordeak sustatutako Gizarteratzeko eta Diru-sarrerak Bermatzeko Sistemaren Legea, alegia, euskal gizarte osoarentzako mugarri eta Euskal Sozialistentzako harrotasun-zio dena.

“Lege honek hobekuntza dakar gure gizarteko herritar baten egoera ahul bakoitzean zein guztietan. Hobetu egiten du errenta, pobrezia-arriskuaren tasetara egokitzen baita. Hobetu egiten du izapidea eta gizarteratzea, arinago izapidetuko delako eta segurtasun handiago eskaintzen dielako erabiltzaileei zein Lanbiden lan egiten dutenei. Horrez gainera, berme gehiago eskaintzen du eskubidea eskuratzen dutenek protekzionismoaren txokoan ez geratzearren aukerak izan ditzaten, eta zorroztasun handiagoa ahalbidetzen du baliabide publikoen kudeaketan”, azaldu du lehendakariordeak.

Idoia Mendiak, halaber, gogorarazi du lege horren bidez Euskadik aurrea hartzen diela EBk eskatzen dituen parametroei: “Legean, Europa gehiago dago bere izpirituan eta edukietan, Batasunak 2030erako gutxieneko errentei buruz eskatzen duen guztia Euskadik 2023an beteko du”.

Eskubideak ez dira herentzian jasotzen, horiek indartu eta zabaltzeko lan egin behar du belaunaldi bakoitzak. Asmo horrekin sortu da Legebiltzarreko taldeekin, gizarte-eragileekin eta hirugarren sektorearekin adostutako lege bat, bizi dugun iraultza honetan Euskadin inor ez dadin atzera gera. @socialistavasco @PSOE pic.twitter.com/WtyASYVumw

— Idoia Mendia (@IdoiaMendia) December 22, 2022

Lehendakariordeak adierazi duenez, legea gizarteratzearen aldeko lege aktiboa da, eta bizi-proiektu independentea duten adineko pertsona guztiei ematen die estaldura, adingabeak beti babestuta egon daitezen edo behar adina kotizatu ezin izan duten pertsonak beren oinarrizko beharrak aseko dituen errenta jaso dezaten. Era berean, lege horrek hobeto babesten ditu euren senar ohiek pentsioak noiz ordainduko zain dauden emakumeak, baita guraso bakarreko etxetako buru diren emakumeak ere. Izan ere, eraso, tratu edo sexu-esplotazioaren biktima diren emakume guztiei bermatzen die erasotzaileengandik libratzeko aukera, libre bizitzen has daitezen, eta langileen eskura jartzen ditu Lanbidek laneratzeko eskaintzen dituen tresna eta zerbitzu guztiak.

“Sinetsirik jarraitzen dut kohesio hori dela gure inbertsiorik onena. Hiru hamarkada geroago ere, eraldaketa berri horren erdian, pertsona guztiei aukerak, babesa eta inklusioa eskaintzera ausartzen gara berriro. Hor ez dago bakarrik gizarte-justiziarekin konpromiso bat. Euskadiren aurrerapen ekonomikoa bera doakigu horretan”, azaldu du Idoia Mendiak, onartutako lehen babes-neurriak aipatzean.

Eta gogora ekarri ditu koalizioko lehen Gobernuak sozialisten bultzadari esker “garen Euskadi izan gaitezen” hartu zituen erabaki zeharo garrantzitsuak, osasun publikoaren oinarriak Jose Manuel Freirerekin eraikitzeko, eskola publikoarenak Jose Ramon Recalderekin, gero Fernando Buesak amaitzeko, edo gizarte-babes publikoarenak Jose Ignacio Arrietarekin, edo Pobreziaren aurkako Borrokaren Lehen Planarekin, hori izan baitzen orain arte indarrean den Legearen hazia.