partekatu
• PSOEren 40. Kongresua
Idoia Mendia, Eneko Andueza eta Cristina González Euskal Sozialisten ordezkaritzaren buru PSOEren 40. Kongresuan
Batzar sozialista urriaren 15ean, 16an eta 17an burutuko da Valentzian, eta Pedro Sánchez hautatuko du berriz ere PSOEren idazkari nagusi izateko
PSOEren 40. Kongresuan parte hartuko duen Euskal Sozialisten ordezkaritza 31 ordezkarik osatuko dute, eta Idoia Mendia PSE-EEko idazkari nagusia eta Mikel Torres, Eneko Andueza eta Cristina González, hurrenez hurren Bizkaia, Gipuzkoa eta Arabako idazkari nagusiak, izango dira buruan.
Euskadiko ordezkariak “parte hartzeko eta lankidetzarako borondaterik handienarekin” joango dira Valentziako hitzordura datorren urrian (15, 16 eta 17a), gipuzkoar sozialisten babesa helaraziz "hamarkada solidario, berde eta feminista baterako" proiektu politikoa eraikitzeko.
Ordezkaritza hori osatzen egongo dira, beste batzuen artean, Iñaki Arriola Eusko Jaurlaritzako Ingurumen, Lurralde Plangintza eta Etxebizitza sailburua, Miguel Ángel Morales PSE-EEren Antolakuntzarako idazkaria eta Denis Itxaso Gobernuaren Euskadiko ordezkaria.
BIZKAIA
Bizkaiko ordezkaritza 9 emakumek eta 8 gizonek osatzen dute eta Mikel Torres Bizkaiko sozialisten idazkari nagusi eta Portugaleteko alkate dena, Francisco FernaÌndez Bizkaiko Antolakuntzako arduraduna, Begoña Gil PSE-EEko Erakundezko idazkaria eta Teresa Laespada Bizkaiko Enplegu, Gizarte Inklusio eta Berdintasuneko foru diputatua izango dira bertan.
Horiez gain, Valentzian egongo dira María Guijarro Kongresuko diputatua, Alfonso Gil Bilboko Udaleko alkateordea eta Tontxu Rodríguez Senatuko Euskal Sozialisten idazkari nagusia.
Honako hauek osatuko dute Bizkaiko zerrenda: Ekain Rico Bizkaiko Erakundezko idazkaria, Txitxo Abascal Ermuko alkatea, Carmen DiÌaz Gizarte Mugimenduen arduraduna, Alba Delgado Gizarte Politiken ordezkaria, Yolanda DiÌez Lurraldeko Politika Publikoen idazkaria, Alfredo Retortillo Azterlan, Programa eta Prestakuntza Arloko idazkaria, Isabel Cadaval Basauriko Udaleko bozeramailea, Javier Seoane Gurutzetako Elkartearen idazkari nagusia, eta Marian Muñoz Hauteskunde Ekintzaren eta Bizkaiko Exekutibo Sozialistaren Elkarteekin Harremanetarako arduraduna.
GIPUZKOA
Gipuzkoako PSE-EEk “munizipalismoaren protagonismoa aldarrikatu" nahi izan du alderdian, eta hainbat udal karguk parte hartzen dute ordezkaritzan, horien artean Maider Laínez Andoaingo PSE-EEko idazkari nagusi eta herriko alkate denak, Marisol Garmendia Donostiako Udaleko Sustapen Ekonomikoa, Ekologia eta Osasun Publikoaren zinegotzi eta sozialisten bozeramaileak, eta Cristina Laborda, Gizarte Mugimenduen, GKEren eta Immigrazioaren idazkari eta Irungo Udaleko Giza Baliabideen eta Zerbitzu Orokorren eta Herrilanen zinegotzi eta Tokiko Polizia eta Bizikidetzaren ordezkariak.
Valentzian izango dira, halaber, Rafaela Romero, PSE-EEko Askatasun Publikoen, Memoriaren eta Bizikidetzaren Arloko idazkari eta Mugikortasunaren eta Lurraldearen Antolaketaren diputatu ere dena, Mikel Durán, Gipuzkoako PSE-EEko Antolakuntzako idazkaria, eta Susana Corcuera legebiltzarkidea.
ARABA
Arabatik, berriz, parte hartuko dute Daniel Senderos Arabatik Kongresuko diputatu denak, Maider Etxebarria Gasteizko Udaleko alkateordeak eta Txarli Prietok, Eusko Legebiltzarreko Mahaiko lehen presidenteordeak.