partekatu
Idoia Mendia euskal proiektuak Europa Konektatu Mekanismoarekin indartzearen alde azaldu da
Idoia Mendia euskal eurodiputatu sozialistak anbizio handiago eskatu du Europako 2028-2034 hurrengo aurrekontuan Rosa Serranorekin batera Euroganberako Garraio Batzordean mugaz gaindiko garraio azpiegiturak bultzatzeko, arreta berezia eskainiz Euskal Herriko proiektu estrategikoei.
Europa Konektatu 2028-2034 Mekanismo berriaren (ingelesez, CEF) –hori izango da garraio eta energiako azpiegiturak finantzatzeko Europako Batasunaren tresna nagusia– negoziazioen esparruan, Korridore Atlantikoa lehentasuneko ardatz gisara sendotzeak duen garrantzia azpimarratu du Mendiak, lehiakortasunerako eta lurralde-kohesioan betetzen duen funtsezko eginkizuna nabarmenduz. “Funtsezko kontu bat da CEF berriak korridore estrategikoak indartzea eta mugaz gaindiko egitasmoen egikaritze eraginkorra bermatzea, batez ere Euskadiri zuzenean eragiten diotenak”, esan du.
Horren haritik, eurodiputatuak ondo ikusten du Europako gobernantza-tresnak jartzea mugaz haraindiko garraio-sarearen (TEN-T) 2024ko berrikuspenean, proiektuen indar loteslea indartzen dutelako, Euskadirentzat garrantzi berezikoa dena. Tresna horien helburua da estatukide guztiek bermatzea beren konpromisoak betetzeko beharra, azpiegituren egikaritze arin eta koordinatuagoa erraztuz horrela, batik bat, mugaz gaindiko zatietan.
Mendiak, era berean, talde sozialistak Europako Parlamentuan bultzatu izan dituen hobekuntzak azpimarratu ditu; horien artean daude mugaz gaindiko proiektuen kofinantzaketa %70eraino igotzea, gobernantza baturatuko egituren bidez garatzen direnean beste %5 gehiago izateko aukerarekin. “Igoera hori giltzarri da proiektu estrategikoak azkartzeko eta mugen bestaldeko egikaritzea ez atzeratzeko, Frantziak bere eginbeharrak bete ditzan horrela”, adierazi du.
Zuzenketek, halaber, portuen betekizuna indartzen dute Europako sarearen funtsezko nodoak diren aldetik, eta horien mugaz gaindiko dimentsioa eta erabilera dualeko, zibileko zein militarreko, mugikortasun militarraren garrantzia aintzatesten dira, bereziki garrantzitsua dena portu eta aireportuentzat zein plataforma logistikoentzat. “Europak azpiegitura moderno eta erresilienteak, ondo konektatuta direnak, behar ditu egungo erronka ekonomiko eta geopolitikoei aurre egiteko. Mugaz gaindiko korridoreen alde egitea Europa kohesionatu eta lehiakorrago baten alde egitea da”, esan du amaitzeko.
