Web gune honek cookieak erabiltzen ditu, propioak eta beste batzurenak. Nabigatzen jarraituz gero gure cookien politika onartzen duzula ulertzen da.
Adi egon! Adi egon!

Ekaina 2024

AL AR AZ OG OR LR IG
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
Itxi
PSE EUSKADI

PSE-EE PSOE Socialistas Vascos

Berriak

partekatu  partekatu

  •   Elkarrizketa Euskadi Irratian

Eneko Andueza: “Oso gaizki joan behar zaizkio EAJri inkestak Gasteizen modu horretan erantzuteko errefuxiatuen harrera-zentroari”

PSE-EEko idazkari nagusiaren arabera, EAJk eta sailburu eta Europak sustatu eta finantzatutako proiekturako hautagai denak emandako erantzuna “eskuin eta eskuin mutur ozpinduaren” diskurtsotik hurbilago dago.

1. argazkia
El Secretario General del PSE-EE, durante la entrevista en "Boulevard" de Radio Euskadi | Foto: Socialistas Vascos

PSE-EEko idazkari nagusia atsekabeturik azaldu da EAJko arduradun instituzionalek diskurtso xenofoboetara jo dutelako, “eskuin eta eskuin mutur ozpinduari” berezkoagoak zaizkionak, Espainiako Gobernuak proiektaturik duen errefuxiatuentzako etorkizuneko harrera-zentroari buruz. Buruzagi sozialistak EAJren inkestengatik sortu den urduritasunari leporatu dio harrera-zentroaren aurka agertzea. Inkestek, izan ere, Alderdi Sozialistari ematen diote garaipena, eta beraz, errealitatea litzateke nazionalistek Gasteizko Alkatetza galtzeko aukera.

“Atera dudan lehen ondorioa izan da oso gaizki joan behar zaizkiola inkestak, diskurtso eta posizionamendu horren elektoralista bat aurkezteko. Nik, ikusita guk, Euskadiko Alderdi Sozialistan, darabiltzagunak, jakina, ulertzen du euren urduritasuna eta kezka”, adierazi du Anduezak, eta Beatriz Artolazabal EAJko sailburu eta hautagaiari egotzi dio “ghettizazioa” edo “gatazka soziala” bezalako hitzak erabiltzea errefuxiatuentzako etorkizuneko arreta-zentro horretaz hitz egitean, eta eztabaidan Immigrazioaren gaineko eskumenak erreklamatzen dituenean.

“Nahi dena pertsonak artatzea da. Ez da eskumen kontu bat. Eskumenen kontua auzi horrekin nahastea nahiko doilorra iruditzen zait, besterik ez esatearren. Entzun izan ditut Artolazabal sailburuaren adierazpenak, diskurtso arriskutsuak xaxatzea nahiko arduragabekeria zela ziotenak. Eta, jarraian, ghettizazioaz eta, are, kontu horrekin gatazka sozial bat sortzeko dagoen arriskuaz ari zitzaigun hitz egiten hura bera. Esadazue hori ez al den diskurtso xenofobo bat edo, hark berak liokeen moduan, diskurtso arriskutsu bat egitea”, azaldu du.

EAJ kezkatuta dago, Gasteizko Alkatetza galduko duelako maiatzeko hauteskundetan. Beldur hori dago errefuxiatuen harrera-zentroari eman dion ezetzaren atzean. #HacemosEuskadi pic.twitter.com/BpBPLwNlgt

— Eneko Andueza (@enekoandueza) January 19, 2023

Eta EAJren arduradunak sozialdemokratatzat eta humanistatzat azaltzen nola ibili diren gogoratu du Euskadi Irratiko Boulevard programan egin dioten elkarrizketa batean. “Mikrofono hauetan bertan entzun izan diet Eusko Alderdi Jeltzaleko buruzagi askori esaten alderdi sozialdemokrata eta humanista bat direla. Diskurtso horiek nahiko urrun daude eurek berek predikatzen duten humanismo eta sozialdemokrazia horretatik. Herrialde honetan ditugun eskuin eta eskuin mutur ozpindutik oso hurbil daude”, esan du.

Anduezak gogoratu du bai Lehendakariak bai sailburuak bazutela proiektu horren berri, “ez atzotik edo herenegundik, duela hilabetetatik baizik”, eta Europar Batasunak sustatu eta finantzatutako proiektu baten kontrako adierazpenak, “kasualitatez”, udal hauteskundeen atarian eman direla nabarmendu du.

“Errefuxiatuez ari gara. Asilo politikoa eskatzen dabilen jendeaz, gehienak gerratik ihesi. Hori da, esaterako, afganiarren eta, orain, ukrainarren kasua. Zentroak, babesa emateaz gain, prestakuntza eskaini nahi die, hizkuntza irakatsi, beraz, euren gizarteratzea eta laneratzeko aukera ahalbidetu nahi du. Arreta indibidualizatua eskaintzea da hori. Larrialdi egoerei –Ukrainako gerra lehertu zenean, kasu– erantzuteko azpiegitura batzuk prestatuta izateko premia betetzen du zentroak. Ezin gara egon gure aterpetxeek izan dezaketen kapazitatearen mende, ezta ere euskal familiek errefuxiatu horiek hartzeko duten borondatearen mende”, esan du.

Erbesteratzeak Alderdi Sozialistarengan eragiten duen sentiberatasun berezia gogoratu du Eneko Anduezak. “Nire alderdian, erbesteratzea zeharo markaturik geratu zen kontu bat da. Nik neuk ere baditut erbestera jo beharrean izan ziren senideak. Beraz, neuk ere badakit zer den gerraren horroretik ihesean ibiltzea eta abegi egingo dizuten, etxea eskainiko dizuten herriak egoteak duen garrantzia, une horretan duzun baino bizitza-proiektu askoz hobeago bati ekiteko aukera eskainita”.