Web gune honek cookieak erabiltzen ditu, propioak eta beste batzurenak. Nabigatzen jarraituz gero gure cookien politika onartzen duzula ulertzen da.
Adi egon! Adi egon!

Abuztua 2022

AL AR AZ OG OR LR IG
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31
Itxi
PSE EUSKADI

PSE-EE PSOE Socialistas Vascos

Berriak

partekatu  partekatu

  •   Arabako Errioxa

Eneko Andueza: “Sozialistek egunero borrokatzen dugu eskuin muturra, ekintzekin eta politikekin”

PSE-EEren idazkari nagusiak “eskuin muturrarekin txatxankerietan” aritzea eta PPren eta Voxen ondoan jartzea leporatu dio EAJi eta EH Bilduri Pedro Sánchezen Gobernua higatzeko asmoz

Santos Cerdán PSOEren Antolakuntzako idazkariarekin batera, Guardiako egoitzaren inaugurazioan esan du sozialistek “jendearen bizitza hobetuz” ari direla mehatxuari kontra egiten

Cristina González ahaldun nagusiordeak, Arabako Errioxan ardoaren eta turismoaren sektoreari laguntzeko udal-finantzaketa eta neurriak handitu izana nabarmendu du

1. argazkia
El Secretario General, Eneko Andueza, en el acto de Laguardia: Socialistas Vascos

PSE-EEren idazkari nagusiak, Eneko Anduezak, ongizatea handitzeko, herritarren eskubideak gehitzeko eta, horrekin, eskuin muturra gerarazteko politika sozialistek duten garrantzia azpimarratu du. Eta salatu du alderdi batzuk sarritan aipatzen dituztela “osasun kordoiak”, baina ez dutela betekadarik PPren eta Voxen ondoan jartzeko Pedro Sánchezen Gobernuari presio egin eta kaltetzeko asmoz. Eta EAJ eta EH Bildu erakusten ari diren jarrera hori sozialistek dutenarekin kontrajarri du.

 “Batzuei ahoa betetzen zaie osasun kordoiez eta eskuin muturra gerarazteari buruz hitz eginez. Baina, egiaz, horrekin txatxankerietan dabiltza Gobernu hau ahultzearren. Sozialistek, aldiz, egunero borrokatzen dugu eskuin muturra ekintzekin, politikekin, agenda sozial eta eraldatzaile batekin, zuzenean eraginez herritarren ongizatean, batik bat, gehien behar dutenengan. PPren eta Voxen mehatxua jendearen bizitza hobetuz borrokatzen dugu”, adierazi du.

Batzuei ahoa betetzen zaie osasun kordoiez eta eskuin muturra gerarazteari buruz hitz eginez. Baina eurekin txatxankerietan aritzen dira @sanchezcastejon-en Gobernua ahultzearren.
Sozialistek jendearen bizitza hobetzen duten politikekin borrokatzen dugu egunero eskuin muturra. #HacemosEuropa pic.twitter.com/K6TflFnn4n

— Eneko Andueza (@enekoandueza) May 13, 2022

Anduezak hitz horiek eman ditu aditzera PSE-EEk Eusko Legebiltzarreko gainerako taldeekin –PP eta Vox izan ezik– hitzartu ondoren eskuin muturraren jarrera antidemokratikoak salatzen dituen testu bat. Baina, buruzagi sozialistaren arabera, ez EH Bilduk ez EAJk ez dute betekadarik Sánchezen Gobernua ahultzeko euren interes partikularren bila, interes orokorrari muzin eginez.

Eneko Anduezak inauguratu du Arabako Errioxako Sozialisten egoitza berria Guardian, Santos Cerdán PSOEren Antolakuntzako idazkariarekin, Cristina González Arabako PSE-EEren idazkari nagusiarekin eta Aretx Vallejo Arabako Errioxako PSE-EEren idazkari nagusiarekin batera. Inaugurazioaren aurretik izan den ekitaldi politikoan, sozialistek erakundeetan “jendearen bizitza hobetzeko eta euren benetako arazoei erantzuteko” betetzen duten eginkizuna defendatu du.

 “Hau ez da Kongresuan astero Gobernuari kalte gehien nola egingo diodan kontuak ateratzen ibiltzea. Zure botoak eta zure eragina jendearen bizitza hobetzen erabiltzearen kontua da. Baliagarria izateko. Eta, gaur-gaurkoz, ez dago boto baliagarriagorik, ez dago sozialagorik, ukigarriagorik, sozialistek Gobernuan aurrera eramaten ari garen politikak baino. Eta horien alde jarraituko dugu egunero borrokan erakunde bakoitzean, udal bakoitzean eta gobernua bakoitzean”, gaineratu du.

Euskal sozialisten buruzagiak gogoratu duenez, 2008ko krisitik irteteko politika neoliberalak jende gehienen interesen kontra aritu ziren, jendearen bizitza hobetzetik urrun, eta 2020tik honako politika sozialdemokratak, berriz, “ezberdinak ari dira izaten, begirada sozial batetik pentsatuta daudelako, eta sozialisten gidaritzapean daude”. Eneko Anduezak legegintzaldiko mugarri batzuk ekarri ditu gogora, esaterako Europako funtsen sorrera, gasaren prezioa jaisteko negoziazioak, gasolinaren hobaria, Etxebizitza Legearen onarpena, pentsioen igoera, Euskadin DSMEren erreforma abiaraztea, edo lan arloko legedian izan diren aldaketak.

Eta azalpenak eskatu dizkie EAJi eta EH Bilduri PPrekin eta Voxekin batera lan-erreformaren kontra bozkatzeagatik, eta esan du lege berria giltzarri ari dela izaten “kalitatezko lanpostuak sortzeko”, eta galdetu du nazionalistak nola ari diren egiten lege hori onartu denetik ezagutzen ari garen horren datu positiboen liseriketa.

Cristina González, babesa turismoari eta ardoari

Arabako PSE-EEren idazkari nagusi Cristina Gonzálezek, bere aldetik, esan du “eskuin muturraren eta muturreko eskuinaren antipolitikarekin” bizikidetza kaltetzen duten eta erakundeen prestigioa gutxiesten duten politikak murrizteko lanean dabiltzala sozialistak. Eta azpimarratu du emakumezko eta gizonezko herritar bakoitzean pentsatzen dutela erakunde guztietan.

Ahaldun nagusiorde ere denak Arabako Aldundiak eremuari eskainitako arreta nabarmendu du, “udaletara heltzen den finantzaketa handituta, enpleguko politika aktiboekin, Guardiako Santa Mariaren jaiotza martxan jarrita, laguntzak emanez elkarte-ehunari eta jarduera kultural eta turistikoei, garraio publikoa hobetuz edo Arabako Errioxako ardoak, euren ekoizpena eta merkaturatzea, defendatuz”.

Eta Guardian, zeharbidea hobetzeko proposatutako alternatibak, aparkaleku plazak gehitzeko, osasun-zentro bat eraikitzeko edo gasa etxebizitza guztietara heltzeko egindako apustuarekin. “Eta hori guztia, Europar Batasunarekin lankidetzan daramagun aurrerabide-zigilu horrekin, Europako hazkunde ekonomikorik handiena izatea ahalbidetzen diguna, bidezko susperraldiarekin”, adierazi du.