partekatu
Eneko Andueza: “Espero dut EH Bilduk herri honetarako dituen plan handiak ez izatea gobernatzen egon zirenean zaborrekin katramilatu zituztenen antzekoak”
PSE-EEko idazkari nagusiak sozialistek Etxebizitza politikak eta “herri honek aurrera egiten laguntzen duen ezker baliagarriaren” egitekoa defendatu ditu Arrasaten, Otegitarrek zaborren kudeaketa bezalako gaietan porrot egin zuen kudeaketaren aldean
PSE-EEko idazkari nagusiak, Eneko Anduezak, EH Bilduk herritarren eskariei eta kezka nagusien konponbideei erantzunak emateko duen gaitasun falta azpimarratu du. Alderdi horrek Denis Itxaso sozialistak zuzentzen duen Eusko Jaurlaritzako Etxebizitza eta Hiri Agenda Sailak lideratutako etxebizitza-politikak ezbaian jartzen ahalegintzeagatik zuzendu dizkio, Anduezak, bere kritiken zati bat EH Bilduri.
“Norabiderik gabe bazoaz, esan dezakezu arazo baten konponbidea ez dela erraza, Bilduk aste honetan etxebizitzarekin egin duen bezala, gero etxebizitza publikoen eraikuntza 10 bider biderkatuko duela promes eman eta arazoarekin 10 urtean amaiera emateko gai zarela esateko. Denis Itxaso alderdikide eta sailburuak gogoratu du duela lau egun, “adreilukada” bat dela hori.
Debagoienako udal karguekin eta Gipuzkoako foru arduradunekin Arrasaten egin duen bilera batean, Anduezak adierazi du “ziur” dagoela inguru horretako “edozein herritako jendek etxebizitza, enplegua, soldatak edo eskualdeko industriaren etorkizuna bezalako gaiak dituela bere lehentasunen artean”. Eta EH Bilduk esparru horietan “asko hitz egiten eta gutxi egiten” duela kritikatu du.
Eneko Anduezak, bestalde, EH Bilduk Gipuzkoako Aldundiaren buruan egon zen etapan hondakinen tratamenduaren kontuan egin zuen kudeaketa negargarria ere gogora ekarri du. Eta sozialistek “Jose Ignacio Asensio Iraunkortasun Sailaren agintea hartuz” arazo hori konpontzeko egindako lana goratu du. “Horrek izen bat du, eta PSE-EEren erantzukizuna eta konpromisoa deritza”, adierazi du.
“Espero dut EH Bilduk herri honetarako dituen plan handiak ez izatea gobernatzen egon zirenean zaborrekin katramilatu zituztenen antzekoak. Arazoa absurdoraino eraman zuten, eta dimentsio ezezagun bateraino eraman zuten”, kritikatu du.
EH Bilduren zain bagaude etxebizitzaren arazoa konpontzeko, hobe dugu gauza lasai hartzea.
Diagnostiko asko, teoria asko, plan asko eta konponbide gutxi jendearen benetako arazoentzat.
Mingaina luze, baina eskuak motz.#EuskadiAquiyAhora pic.twitter.com/yAMdPaikgx
— Eneko Andueza (@enekoandueza) May 16, 2026
Buruzagi sozialistak poza adierazi du Arnaldo Otegik zuzentzen duen alderdiak esan duelako babestu beharra dagoela etxebizitzaren funtzio soziala eta esku hartu beharra dagoela merkatuan publikotik. “Ongi etorri, berriro, EH Bilduko jaunok, horiek direlako, beste batzuen artean, Denis Itxaso sailburuaren jarduketa-ildoak eta duela gutxi onartu izan den Premiazko Neurrien Legearen motibazioak”, adierazi du. Eta alderdi horrek berak arau horri Eusko Legebiltzarrean ezetza eman ziola gogoratu du. “Alderdi Sozialista ez da diagnostikoan geratzen. Nahi dena esan daiteke, baina errealitatea egoskorra da”, gaineratu du.
Azkenik, Debagoienako eskualdean eta Gipuzkoa osoan politika sozialistek babes handia jasoko dutela esan du, “herri honek aurrera egiten laguntzen duen ezker baliagarria garelako”, Anduezaren hitzetan. “Erakusten ari gara, beste behin, badakigula kudeatzen eta gobernatzen, eta beti herritarrengandik eta herritarrentzat egiten dugula”, azpimarratu du.
Gipuzkoako PSE-EEko idazkari nagusi eta lehen ahaldun nagusiorde denak, Jose Ignacio Asensiok, bere aldetik, balioa eman dio sozialistek gipuzkoar lurralde osoan hedatzen ari diren “pertsonak erdigunean jartzen dituen kultura energetiko berriari”. “Jasangarritasunean, eraginkortasun energetikoan eta energiaren demokratizazioan oinarritutako trantsizio bat”, berretsi du.
Gaur egun Gipuzkoa osoan zehar banatuta 67 komunitate energetiko egoteak duen garrantziari erreparatu dio Asensiok. “10 udalerritatik 7tan daude, baina gure helburua da %100eraino heltzea 2027an”, azaldu du. Eta “energia berriztagarriaren ekoizpen eta kudeaketa partekatuan oinarritutako autokontsumo eredu bat” garatzen jarraitzearen alde azaldu da.
Kudeaketa sozialista onaren adibide modura, gipuzkoar buruzagiak “mugikortasun jasangarria iraultzen” ari garela esan du. “Lurraldebusentzat 2025a izan da bere historiako urterik onena, eta 30 milioi bidaien langa gainditu du lehen aldiz”, azaldu du. Eta Azahara Dominguez foru diputatua buru duen sailak autobus-zerbitzuak indartzeko eta flotak berritzeko orduan egindako lan ona azpimarratu du. “Batzuk mihia luze duten bitartean, gu egiten ari gara”, esan du.
