PSE-EE PSOE Socialistas Vascos

PSOEren idazkari nagusi eta Gobernuko presidenteak, Pedro Sánchezek, PSE-EEren 9. Kongresuaren itxieran hartuko du parte datorren azaroaren 21eko igandean, 12:00etatik aurrera. Pedro Sánchezek Euskal Sozialisten konklabearen bigarren jardunaldian hitz egingo du, ordezkariek zuzendaritza-organoak hautatu eta gero, tartean Euskadiko Batzorde Betearazlea.

Kongresua Isabel Rodríguezek irekiko du larunbatean, 20an, alegia Batzorde Federalaren kide, Gobernuko bozeramaile eta Lurralde Politikako ministro denak. Arratsaldean, PSE-EEk jada iragarri du txosten politikoen eta antolakuntzazkoen eztabaidez gain bi topaketa programaturik daudela, hain zuzen Eneko Andueza Euskal Sozialisten idazkari nagusiak burutuko dituenak, bata José Manuel Albares Kanpo Arazoetako, Europar Batasuneko eta Lankidetzako ministroarekin, eta bestea, berriz, Diana Morant Zientzia eta Berrikuntzaren ministroarekin. Aurrenekoan Eider Gardiazabal europarlamentariak ere hartuko du parte.

9. Kongresuko une azpimarragarri bi izango dira Idoia Mendia idazkari nagusiaren parte-hartzea larunbatean, 20an, azken agintaldiaren kudeaketaren berri emateko, hain zuzen Euskal Sozialisten buru bezala bere agurrarena izango denean, eta Eneko Andueza idazkari nagusiak militanteei, kargudun sozialistei eta zuzendaritzako kideei 21eko igandean zuzenduko dizkien lehen hitzak.

354 ordezkari izango dira 9. Kongresuan, eta gonbidatu esanguratsuak izango dira bertan, besteak beste: Santos Cerdán PSOEren Antolakuntzako idazkaria; Eva Granados Diputatuen Kongresuko Sozialisten Taldearen bozeramailea; Nafarroako, Errioxako eta Asturiasko Printzerriko auzotar erkideetako presidenteak, María Chivite, Concha Andreu eta Adrián Barbón, hurrenez hurren; eta Gaztela-Leongo Alderdi Sozialistaren (PSCL-PSOE) idazkari nagusia, Luis Tudanca. Guztiak dagozkien lurraldeetako buruak dira.