partekatu
• ZUZENKETAK
Lehendakariak Euskadin berdintasuna sostengatzeari buruz
OSOKO ZUZENKETA
1.- Eusko Legebiltzarrak Eusko Jaurlaritzari eskatzen dio jarrai dezala politikak bultzatzen, Euskadiko erakunde-maila guztietako botere publikoek jarrai dezaten ekintzak garatzen, behar besteko aurrekontu-zuzkiduraz, goitik behera betetzeko Otsailaren 18ko 4/2005 Legea, Emakumeen eta Gizonen Berdintasunerakoa.
2.- Eusko Legebiltzarrak Eusko Jaurlaritzari eskatzen dio jarrai dezala gainontzeko erakunde publikoekin eta entitate pribatuekin lan egiten eta kolaboratzen, emakumeek eta gizonek baldintza berdinetan parte har dezaten Euskadiko edozein udalerriko jaietako jarduera guztietan.
3.- Eusko Legebiltzarrak Eusko Jaurlaritzari eskatzen dio jarrai dezala erabateko babesa adierazten emakumeen eta gizonen berdintasunari ohiko bizitzako eremu guztietan eta, konpromiso horrez gain, Jaurlaritzari propio zaion jarduera politiko osoan, lagundu ditzala euskal udalerri guztietan berdintasunaren eta horren ikusaraztearen zein ikusgaitasunaren alde egiten diren adierazpen guztiak, izan izaera sozialekoak, kulturalekoak edo folklorikokoak.
