partekatu
• ZUZENKETAK
Liburuen, liburu-denden eta irakurketaren laguntzaren eta sustapenaren inguruan Eusko Jaurlaritzak dituen asmoei buruz
OSOKO ZUZENKETA
Eusko Legebiltzarrak Eusko Jaurlaritzako Kultura eta Hizkuntza Politika Sailari eskatzen dio liburua eta irakurketa bultzatuko duten plan bat egin dezala, 2019ko aurrekontuak finantzatutakoa. Plan horrek kontuan izango ditu irakurketa-ohituren garapenean eragiten duten faktore guztiak, eta oinarri izango ditu 13 ardatz, Kultura eta Hizkuntza Politikako sailburuak 2018ko maiatzaren 3ko hitzartzean azaldutakoak. Helburua da eduki-eskaintza erakargarria eta kalitatezkoa sustatzea, euskal herritarren adin-tarte guztiei zuzendutakoa, bereziki babestea euskaraz eta Euskadiko Autonomia Erkidegoan editatutako liburuak, eta gure herrian irakurketa dinamizatzearen langintza soziala bultzatzea. Horretarako, indartu ditzala Euskadiko liburutegi-sarearen zerbitzu eta baliabideak, herritarrentzako zerbitzu gertukoago eta irisgarriago gisa.