partekatu
• ZUZENKETAK
Enpresek atzerrian eragiten dituzten inpaktuak ebaluatzeko zentro bat sortzeari buruz.
OSOSKO ZUZENKETA
Kontuan izanik dagoeneko Eusko Jaurlaritzak onartutako dokumentuak, zeintzuek lan-ildo finko eta denboran iraunkorra ezartzen baituten Giza Eskubideen alorrean, Eusko Legebiltzarrak Eusko Jaurlaritzari eskatzen dio osatu dezala dagoeneko ezarritako esparru estrategikoa. Horretarako, urtebeteko epean jarduera plan bat egin dezala enpresari eta Giza Eskubideei buruz, erantzungo diona alor horretan dauden nazioarteko betebeharrei, kontuan izanda Nazio Batuek definitutako hiru zutoinak: Babestu, Errespetatu, Erreparatu.
Plan horrek neurri zehatzak jaso beharko ditu, ondorengo hauen inguruan:
- Eragile instituzional eta sozial anitzen arteko topaketa eta elkarrizketarako guneak.
- Sentsibilizazio- eta formakuntza-ekintzak eta –tresnak eragile publiko eta pribatuentzat eta euskal gizartearentzat.
- Jarraipen-, aholku- eta kontu-ematerako neurriak.
