partekatu
• ZUZENKETAK
EAEra datozen pertsonei harrera integral eta zaintza egokia ziurtatzeari buruz
OSOKO ZUZENKETA
1.- Eusko Legebiltzarrak Eusko Jaurlaritzari eskatzen dio koordinaturik lan egin dezala inmigrazioaren alorrean lanean diharduten gainontzeko instituzioekin eta hirugarren sektoreko erakundeekin. Helburua da larrialdiko erantzun humanitarioa eman ahal izatea Euskadira iristen diren pertsona migratzaileei, bereziki zainduz prozesu migratzaileetan ahulenak diren kolektiboak: bakarrik doazen emakumeak, ibilbide migratzailean beren kargu seme-alabak daramatzaten emakumeak eta mediku arreta berezia behar duten pertsonak.
2.- Eusko Legebiltzarrak Eusko Jaurlaritzari eskatzen dio garatu dezala 2018-2020rako herritarren, kulturartekotasunaren eta immigrazioaren eremuan jarduteko V. Plana eta indartu ditzala pertsona etorkinen integrazioa laguntzen duten programak.
3.- Eusko Legebiltzarrak Eusko Jaurlaritzari eskatzen dio gainontzeko euskal erakundeekin elkarlanean, elkarrekin lan egin dezala pertsona migratzaileen sare eta elkarteekin, Euskadiko herritar etorkinen integraziorako eta partehartze sozialerako Foroaren esparruan, integrazio-prozesuetan dituzten premiak eta zailtasunak lehen eskutik ezagutze aldera.
4.- Eusko Legebiltzarrak Eusko Jaurlaritzari eskatzen dio gainontzeko erakunde eta eragileekin batera lanean jarrai dezatela Euskadi izan dadin adierazpen arrazista eta xenofoborik gabeko lurraldea, eta horiek ekidingo dituzten herri-adostasunen bila.
