partekatu
• ZUZENKETAK
Ehiza aintzatesteari eta bultzatzeari buruz, ekonomiarako, gizarterako eta ingurumenerako jarduera gisa, eta Euskadiko landa-garapenari egiten dion ekarpenagatik
OSOKO ZUZENKETA
1.- Eusko Legebiltzarrak uste du ehiza beharrezko jarduera dela animalia espezi anitzak erregulatzeko. Horretarako egoki araututa dago hainbat arau legegileren bidez, bai kontrolaren, bai baimen eta debekualdien erregulazioan eta isunen erregimenean. Helburua da inguru naturalaren jasangarritasun egokia lortzea.
2.- Eusko Legebiltzarrak uste du ehiza beharrezko jarduera dela hainbat espezieren artean sortzen diren gatazkak kudeatzeko. Horien artean, nabarmentzekoak dira ugaritasun batzuek dakartzaten kalteak, ez bakarrik landagunean, baita ere trafiko istripuetan, laborantzari eta basoari egindako kalteetan, eta beste batzuk.
3.- Eusko Legebiltzarrak ehiztariei eskatzen die ehiza-jarduera egiteko orduan kontuan izan ditzatela alorrean eskumena duten erakundeek emandako arauak, tradizionalki ehiztarien jarrera izan den bezalaxe.
