PSE-EE PSOE Socialistas Vascos

OSOKO ZUZENKETA

1- Eusko Legebiltzarrak nekazaritza-, abere- eta baso-sektoreari (Euskadirako ezinbesteko ekintzak izaki) bere babesa eman dio, Euskal Autonomia Erkidegoko BPGari egindako ekarpenagatik, eta ingurumena, lurralde-antolamendua eta biztanleria mantentzen eta gure landa-inguruko balio sozialak eta kulturalak transmititzen laguntzeagatik, eta are gehiago, beste jarduera batzuekin bateratze-elementu bat izateagatik, esate baterako, natura-aisia, turismo edo ekoizpen energetiko berriztagarria.

2-.- Eusko Legebiltzarrak Eusko Jaurlaritzari eskatzen dio foru-aldundiekin batera etorkizunera begira dagoen, berritzailea, kalitatezkoa eta jasangarria den eta onespen soziala duen nekazaritzako elikagaien sektore bat sustatzen duten politiken garapenean aurrera egiteko. Horretarako, gazteak landa-ingurunean sartzea eta emakumeek landa-ingurune horretan duten rola sustatuko da, sektoreari egonkortasun handiagoa ematen dioten mekanismoak garatuz, eta gure nekazari, abeltzain eta basoko langileen interesak defendatuz.

3.- Eusko Legebiltzarrak Eusko Jaurlaritzari eskatzen dio etengabeko erreformen baitan ez dagoen NPE bat lortzeko lan egiteko, gaur egungo bi oinarriak mantentzen dituena: EB laguntza zuzenak eta EBk eta Euskadik batera finantzatutako landa-garapenaren politika. Horrez gain, hirugarren oinarri bat sortzeko eskatzen dio, Bruselak finantzatzen duena, merkatuen krisien aurrean babes-mekanismo modura.

4.- Eusko Legebiltzarrak Eusko Jaurlaritzari eskatzen dio 2006an Eusko Jaurlaritzaren finantzapean publikatu zen eta Eusko-Ikaskuntzak argitaratu zuen “Coste de la no agricultura en el País Vasco” lanaren eguneraketa-dokumentu berri bat egiteko, desagrarizazioaren kostuak kontuan hartuta, baita aurpegia eman behar diogun erronka demografikoa ere. Dokumentu hori Ekonomiaren Garapen eta Azpiegitura Batzordean aurkeztuko da.