partekatu
• Estatutuaren erreforma
PSE-EEk López Basaguren proposatuko du autogobernua eguneratzeko proiektua egiteko adituen talderako
Socialistas Vascos-Euskal Sozialistak legebiltzar-taldeak Alberto López Basaguren zuzenbide konstituzionaleko katedraduna proposatuko du Euskadiko autogobernua eguneratzeko testu artikulatua eratuko duten adituen taldeko partaide izan dadin. Testu hori, geroago, Ganberak izapidetuko du.
López Basaguren ospe handiko ikertzailea da, eta, lan akademiko ugari egin ditu. Besteak beste, honako hauek ikertu ditu: nazioartean dauden deszentralizazio ereduak, Europako integrazio-prozesua, Espainiako autonomia-erkidegoen sistemaren garapena, Euskadiko antolaketa instituzionala eta aniztasunaren bermeak. Lan horien gaiak lotuta daude autogobernuaren ponentzian legebiltzar-talde guztiek planteatu dituztenekin.
Socialistas Vascos-Euskal Sozialistak legebiltzar-taldeak konfiantza du talde horren lanari esker testu artikulatu bat eratzeko aukera egongo dela, bai eta gure eskumenak errealitate sozialera egokitzeko eta, eraginkortasuna eta efikazia hobetzeko, botere publikoen arteko barne-harremanak berrantolatzeko ere. Ondoren, Legebiltzarrak bere gain hartuko du proposamen bideragarri eta erabilgarria eratzeko ardura, indarrean dagoen Estatutuak jasotakoak baino hitzarmen zabalagoak egiteko eta indarreko ordenamendu juridikoa errespetatzeko, 2017ko urtarrilaren 26ko aginduak ezartzen duenez.
ALBERTO LÓPEZ BASAGURENEN KONFERENTZIA: FEDERALISMOA, ZERGATIK ETA ZERTARAKO