partekatu
• ZUZENKETAK
Genero indarkeriaren aurkako tresnak hobetzeko.
OSOKO ZUZENKETA
1.- Eusko Legebiltzarrak Eusko Jaurlaritzari eskatzen dio ganberari bidal diezaiola, ahalik eta azkarren, emakumeen aurkako indarkeria desagertarazteko araudi proposamena.
2.- Eusko Legebiltzarrak Eusko Jaurlaritzari eskatzen dio azterketa bat egin dezala Genero Indarkeriaren aurkako Estatu Hitzarmenetik eratorritako neurrien inguruan, interesgarriak izan daitezkeenak landuz Emakumeen eta Gizonen berdintasunerako Erakundearteko Akordioan sartzeko, eskumenen eremua errespetatuz; eta landu ditzala Euskal Autonomia Erkidegoari egitea dagozkionak, abian jartzeko beharrezko baliabideak eskuratuz.
3.- Eusko Legebiltzarrak Eusko Jaurlaritzari eskatzen dio lanean jarrai dezala genero indarkeriaren biktimak babesteko programetan sentsibilizazioaren, prebentzioaren, arretaren eta babesaren eremuetan; eta era berean, berrikusi eta hobetu ditzala protokoloak, arreta azkarragoa eta efizienteagoa emate aldera.
