partekatu
• GALDERAK
Laneko arriskuen prebentzioan genero-ikuspegia txertazeko Osalaneko ekimenak
Gloria Sánchez Martínek, Socialistas Vascos-Euskal Sozialistak legebiltzar-taldeko legebiltzarkideak, Ganberaren indarreko Erregelamenduaren babespean, OSOKO BILKURAN AHOZ ERANTZUTEKO laneko arriskuen prebentzioan genero-ikuspegia txertazeko Osalaneko ekimenei buruzko galdera hau egiten dio Eusko Jaurlaritzako Lan eta Justizia sailburuari, Mª Jesús San José andreari.
JUSTIFIKAZIOA
Emakumeen eta Gizonen Berdintasunerako otsailaren 18ko 4/2005 Legearen 36. artikuluak honako hau adierazten du: “Euskal herri-administrazioek, beren eskumen-eremuan, emakumeen eta gizonen aukera- eta tratu-berdintasuna erreala eta benetakoa izateko behar diren baldintzak sustatu behar dituzte, hala norbere konturako zein inoren konturako lana lortzean, nola lan-, prestakuntza-, sustapen-, ordainketa- eta kontratuen amaiera-baldintzetan”. Halaber, 44. artikuluak ere honako hau dio: “Euskal herri-administrazioek emakumeei osasuna hobetzen lagundu behar diete beren bizitza osoan; arreta berezia eskainiko diete, orobat, emakumeengan eragin handiena duten osasun-arazoei”.
Pasa den otsailaren 14an, Osalanen parte-hartze handia izan zuen jardunaldi bat antolatu zen. Bertan, lanean segurtasunari eta osasunari genero-ikuspegia txertatzeko beharraz aritu ziren.
Ekimen horiek garrantzitsuak iruditzen zaizkigu, eta, gainera, Berdintasunerako Legeak seinalatzen duen norabidean doaz, bai eta europar esparrutik datozen beste gomendio batzuen norabidean ere.
Legebiltzar-talde honen kontrol-lana egiteko, OSOKO BILKURAN AHOZ ERANTZUTEKO honako galdera hau egiten zaio Lan eta Justizia sailburuari:
- Laneko arriskuen prebenitzioan genero-ikuspegia txertatzeari dagokionez, zer beste ekimen hartu ditu beregain Osalanek?
