partekatu
• Bisita Tecnaliara
Idoia Mendiak Tecnalian esan du «I+G+d-ren aldeko apustua industria-ehunera eraman behar dela eta eragin ekonomikoa izan behar duela»
Idoia Mendia PSE-EEren idazkari nagusiak esan du koordinazio handiagoa behar dela enpresaren, unibertsitatearen eta zentro teknologikoen artean, bai eta neurri fiskalak eta hezkuntzan inbertitzea ere, Euskadin egindako apustu handi eta berritzailea industria-ehunean isla dadin eta eragin ekonomikoa izan dezan.
Idoia Mendiak gogoeta hori azaldu die Tecnaliako arduradun nagusiei, alegia, Emiliano López Atxurrari eta Iñaki San Sebastiáni (zuzendaria eta zuzendari betearazlea, hurrenez hurren). Zamudioko instalazioetan batu da ordezkaritza sozialista, lan-bilera egiteko.
Ordezkaritza sozialista osatu du, halaber, Sonia Pérez Politika Ekonomikoko idazkariak. Lehen eskutik ezagutu dituzte arlo hauek: industria 4.0, digitalizazioa, zibersegurtasuna eta sare elektriko inteligenteak.