partekatu
• "Caminos de libertad-Askatasun Bideak 1977-2017" erakusketa
Idoia Mendiak negoziazio kolektiboa eta soldaten igoera babestu du Txurdinagako elkartean susperraldia denon poltsikoetara irits dadin
Euskal Sozialisten idazkari nagusiak, Idoia Mendiak, euskal langileen lan-baldintzak hobetzearen alde egin du gaur, bai eta negoziazio kolektiboaren alde ere, susperraldi ekonomikoa denon poltsikoetara irits dadin. Idoia Mendiak, komunikabideei egindako adierazpenetan, azaldu du PSE-EEk hasiera emango diola urteari arreta berezia emanez arlo sozioekonomikoari. Horrez gain, esan duenez, PSE-EE bilerak izaten ari da sindikatuekin, enpresariekin eta aholkularitza-organismoekin enplegua sortzeko, lan-baldintzak hobetzeko, eta, besteak beste, soldatak igotzeko mekanismoak suspertzeko.
"Soldata altuagoak behar ditugu ekonomiaren hobekuntza poltsiko denetara iristea bermatzeko, eta, horretarako, negoziazio kolektiboaren mekanismoa beharrezkoa da. Hori izan da agente sozioekonomikoekin urte hasieran abiarazi dugun agendan baloratu dugun lehen kezketako bat", adierazi du.
"Caminos de libertad. Askatasun bideak" erakusketa ibiltariaren Txurdinagako (Bilbo) inaugurazioan, Alderdi Sozialistaren 40. urteurrena Euskadin ospatzen duenean, Idoia Mendiak gogora ekarri du 2017ko azken asteetan ekitaldi horretako aurrekontuak onartu direla erakunde gehienetan, hain zuzen ere, PSE-EEk gobernu-erantzukizunak dituenetan. Horri esker, erakunde horiek egonkortasuna dute. Beraz, aurreikusitako proiektuak eta inbertsioak aurrera eraman ahal izango dira.