• BERRIA
Berriak
partekatu
• Elkarrizketa Euskadi Irratiko Boulevard irratsaioan
Idoia Mendiak EAJri ohartarazi dio Estatutua berritzeko egin duen proposamenak “Ibarretxe ekartzen duela gogora”
Mendiak "ez du ulertzen" EAJk “bere burua baztertu izana” Itun Antiterroristaren deialditik, ETAren aurkako borrokan “erabilgarria” izan denetik
Errepikatu du PSOEk ez dituela Rajoyren aurrekontuak babestuko, “ez dituztelako azken urteetako murrizketak” leheneratu, eta “behin-behineko adabakitzat” jo du EAJk Rajoyrekin hitzartutako pentsio-igoera
Euskal Sozialisten idazkari nagusiak, Idoia Mendiak, EAJri ohartarazi dio Gernikako Estatutua berritzeko egin duen proposamenak “asko gogoratzen duela Ibarretxek egindakoari, eta denok dakigula nola amaitu zuen”.
Mendia elkarrizketatu dute Euskadi Irratiko Boulevard irratsaioan, eta, esan duenez, konfiantza du autogobernuari buruzko ponentziak alderdi politikoen arteko akordio “bideragarria eta legearen barrukoa” eragingo duela.
"Sozialistok uste dugu estatutua berritu daitekeela Euskadi soziala finkatzeko eta herrialdea modernizatzeko, azken lau hamarkadetan eraiki dugun hori, alegia, eta horrek bideragarria eta legearen barrukoa izan behar du", adierazi du.
Adabakia pentsioetan
Mendiak errepikatu egin du PSOEk "ez duela inoiz bozkatuko PPren aurrekontuen alde, Rajoyren gobernuaren politika negatiboak ez dituztelako konpontzen: sendagaien ordainketa, murrizketak osasun- eta hezkuntza-arloetan…”. Bestalde, "behin-behineko adabakitzat" jo du EAJk eta Mariano Rajoyk egindako akordioa, zenbait pentsioren KPI aldatzeko, nazionalistek PPren aurrekontuak babestearen truke.
"Sozialistok lortu nahi dugu denboran iraungarria den pentsioen sistema publiko bat, gure ilobei hori uzteko. Eta horri ekin behar zaio Toledoko Itunean. PPk, Ciudadanosek eta EAJk jarri behar dute abian Toledoko Itun hori”, esan du.
ETAren porrota
ETA banda terrorista desegin eta gero, gobernuko presidenteak, Mariano Rajoyk, itun antiterrorista deitu du. Mendiaren ustez, "oso erabilgarria izan da" ETAri aurka egiteko, eta, horregatik, ez du ulertzen zergatik “baztertu duen bere burua EAJk” datorren bilerei dagokienez.
PSE-EEren idazkari nagusia ETAk Kanbon erabilitako antzezpenaren aurka agertu da, ez baitu aldaketarik eragin euskal gizartean, pauso garrantzitsua 2011n, ETAk hiltzeari utzi zionean, eman zelako.
PSE-EEren buruzagiak uste du orain Euskadin “oinarri sendoak bilatu behar direla etorkizuna eraikitzeko”, eta, horretarako, terrorismoak bidegabe sortutako kaltea aitortu behar da.
Hortaz, garrantzitsuena da euskal indar politiko guztiek aitortzea hiltzea ez zela bidezkoa izan, eta estatu baten alde egiteko hiltzeak inoiz ez zuela justifikaziorik izan”.
ETAko presoak etxeratzeari dagokionez, Mendiak uste du Estatuak “kartzela-politika inteligentea garatu beharko lukeela Estatuari begira”, ETAko presoak gizarteratzeko xedez.
“Presoak gizarteratu behar dira kartzelatik irteten direnean, elkarbizitza lortu behar dugu eta, ez berriz, baterako existentzia”, adierazi du.
AKTUALITATEA
• BERRIA
Aroa Jilete: “No es lo mismo el proyecto socialista, progresista y que piensa en las personas, que el de la derecha, que quiere privatizar y recortar derechos”
• BERRIA
Eneko Andueza: “Es una obligación urgente e inaplazable situar la lucha contra la violencia machista como una prioridad política”
• BERRIA
Patricia Campelo: “Queremos transformar el modelo sociosanitario y crear un sistema universal, de calidad y gratuito. Ésta debe ser la legislatura de los cuidados”
• BERRIA
Eneko Andueza: “Los Socialistas queremos poner a la juventud en el centro de nuestras políticas; un país que renuncia a sus jóvenes renuncia a su futuro”
• BERRIA
