partekatu
• ZUZENKETAK
OSOKO ZUZENKETA hau aurkezten diote Legez besteko proposamenari, Industrian emakumeen presentzia areagotzeko beharraz. Horretarako, indarrean dagoen Erregelamenduaz baliatu dira. [11\11\02/01/0362]
Behean sinatzen duten legebiltzar-taldeek honako OSOKO ZUZENKETA hau aurkezten diote Legez besteko proposamenari, Industrian emakumeen presentzia areagotzeko beharraz. Horretarako, indarrean dagoen Erregelamenduaz baliatu dira. [11\11\02/01/0362]
OSOKO ZUZENKETA:
- Legebiltzarrak Jaurlaritzari eskatzen dio emakumeen presentzia jarduera ekonomikoa bultzatzen den enpresa eta erakundeetan areagotzeko eta lan-eremuan emakumeen eta gizonen berdintasuna bultzatzeko ekintza plana diseinatu dezala.
- Legebiltzarrak Jaurlaritzari eskatzen dio emakumeen presentzia jarduera ekonomikoa bultzatzen den enpresa eta erakundeetan areagotu eta bisibilizatzeko, administrazio kontseiluetan egoteko eskubidea daukanean ordezkaritza hori parekidea izatea berma dezala.
- Legebiltzarrak Jaurlaritzari eskatzen dio emakumeen presentzia jarduera ekonomikoa bultzatzen den enpresa eta erakundeetan areagotzeko, neurri ekonomiko eta sozialak sustatu ditzala, ordainsariei dagokienez berdintasunean aurrera egiteko, enpresetan soldata‑gardentasuna sustatzeko eta soldata-diskriminazioari aurre egiteko.
- Legebiltzarrak Jaurlaritzari eskatzen dio emakumeen presentzia jarduera ekonomikoa bultzatzen den enpresa eta erakundeetan areagotzeko, bizitza pertsonala, familia-bizitza eta lan-bizitza bateragarriak egiteko neurriak bultzatzea.
