partekatu
• ZUZENKETAK
OSOKO ZUZENKETA hau aurkezten diote Legez Besteko Proposamenari, Enpresetako aparteko orduen kontrolari buruz. Horretarako, indarrean dagoen Erregelamenduaz baliatu dira. [11\11\02\01\0352]
Behean sinatzen duten legebiltzar-taldeek honako OSOKO ZUZENKETA hau aurkezten diote Legez Besteko Proposamenari, Enpresetako aparteko orduen kontrolari buruz. Horretarako, indarrean dagoen Erregelamenduaz baliatu dira. [11\11\02\01\0352]
OSOKO ZUZENKETA
- Eusko Legebiltzarrak adierazten du EAEko enpresetan egindako aparteko ordu kopurua murriztea lagungarri izan zitekeela enplegu gehiago sortzeko, eta lan- eta familia-bizitza uztartzen lagunduko lukeela.
- Eusko Legebiltzarrak adierazten du erakunde publikoek lanean jarraitu behar dutela enpresek langileei ordaindu eta kotizatu gabeko aparteko lanak egiteari uzte aldera. Helburua da langileen lan eskubideak zaintzea eta defendatzea.
- Eusko Legebiltzarrak aldeko posizioa adierazten du, enpresek eguneko lan eguna erregistratzeko eta kontrol eraginkorrerako sistemak jar ditzaten.
- Eusko Legebiltzarrak enpresen eta langileen ordezkariei eskatzen die negoziazio kolektiboan bultzatu ditzatela aparteko lanorduak kontrolatzeko neurri eraginkorrak.
- Eusko Legebiltzarrak Eusko Jaurlaritzako Lan eta Justizia Sailari eskatzen dio jarrai dezala, Lan Ikuskaritzaren bidez, enpresetan lan eguna kontrolatzeko kanpainarekin, eta bereziki, aparteko lanorduen alorreko legeak betetzeari dagokionez.