partekatu
• ZUZENKETAK
OSOKO ZUZENKETA hau aurkezten diote legez besteko proposamenari, Enkarterrin Lehen eta Bigarren Hezkuntzarako gela egonkorra eraikitzeari buruz. Horretarako, indarrean dagoen Erregelamenduaz baliatu dira. [11/11/02/01/0299]
Behean sinatzen duten legebiltzar-taldeek honako OSOKO ZUZENKETA hau aurkezten diote legez besteko proposamenari, Enkarterrin Lehen eta Bigarren Hezkuntzarako gela egonkorra eraikitzeari buruz. Horretarako, indarrean dagoen Erregelamenduaz baliatu dira. [11/11/02/01/0299]
OSOKO ZUZENKETA
Eusko Legebiltzarrak Eusko Jaurlaritzako Hezkuntza Sailari eskatzen dio:
- Jarrai dezala kalitatezko eskola inklusiboaren, ekitatiboaren eta berritzailearen aldeko apustua egiten, gure ikastetxeetan oreka, kohesio sozial, interkulturalitate eta bizikidetza handiagoa lortze aldera. Halaber, ekainaren 23ko 118/1998 Dekretua (hezkuntza‑premia bereziak dituzten ikasleei eman beharreko hezkuntza‑erantzuna eskola muinbakar eta integratzailearen esparruan antolatzen duena) betetzea bermatu dezala.
- Jarrai dezala aplikatzen bai 118/1998 Dekretua, bai ezarritako prozedurak. Prozedura horiek argi jasotzen dute zeintzuk direk balizko eskolatze-proposamenak eta ikasleek jaso dezaketen neurriak eta babesak, hala nola hartutako erabakietan familiek parte hartu eta laguntzeko dituzten bideak.
- Dagoeneko badagoen prozedura aplikatzen jarrai dezala, familiek idatziz jaso dezaten beren seme-alabaren balorazio psikopedagogikoko txostena, modu horretan beren hezkuntza beharrei erantzuna emate aldera.