partekatu
• ZUZENKETAK
OSOKO ZUZENKETA hau aurkezten diote legez besteko proposamenari, Hezkuntzara berdintasun egoeran iristeko eskolaratzeko ikasketa-beka eta -laguntzak egokitzeari buruz. Horretarako, indarrean dagoen Erregelamenduaz baliatu dira. [11/11/02/01/0077]
Behean sinatzen duten legebiltzar-taldeek honako OSOKO ZUZENKETA hau aurkezten diote legez besteko proposamenari, Hezkuntzara berdintasun egoeran iristeko eskolaratzeko ikasketa-beka eta -laguntzak egokitzeari buruz. Horretarako, indarrean dagoen Erregelamenduaz baliatu dira. [11/11/02/01/0077]
OSOKO ZUZENKETA
- Eusko Legebiltzarrak euskal hezkuntza sistema eta gure eskumenen eremu espezifikoaren markoan diseinatutako beka-sistema defendatzea adosten du, eta Eusko Jaurlaritzari eskatzen dio beharrezko neurriak hartzen jarrai dezala euskal autogobernua defendatzeko.
- Eusko Legebiltzarrak Eusko Jaurlaritzari eskatzen dio 2017-2018ko unibertsitatez kanpoko mailetako ikasleen eskolaratzerako ikasketa beka eta laguntzen deialdia argitaratu dezala 2016-2017 ikasturtea amaitu baino lehen, eta ebazpena ahalik eta epe laburrenean onartu dezala. Halaber, eskatzen dio legegintzaldi honetan beharrezko pausuak eman ditzala prozedura egokitzeko eta bekak ikasturte hasieran ordaindu ahal izateko.
