partekatu
• ZUZENKETAK
OSOKO ZUZENKETA hezkuntza-proiektuei jarraipena emateko irakasleen egonkortasuna bermatzeko legez besteko proposamenari. [11/11/02/01/0368]
Behean sinatzen duten legebiltzar-taldeek, Ganberaren indarreko Erregelamenduaren babespean, honako OSOKO ZUZENKETA aurkezten diote hezkuntza-proiektuei jarraipena emateko irakasleen egonkortasuna bermatzeko legez besteko proposamenari. [11/11/02/01/0368]
OSOKO ZUZENKETA
Eusko Legebiltzarrak uste du irakasleen egonkortasunaren aldeko apustua ezinbestekoa dela ikastetxeei klaustro egonkorrak emateko, aukera izan dezaten hezkuntza-proiektuak garatzeko, bai eta irakasleen bizitza-proiektua bermatzeko ere.
Horren harira, Eusko Jaurlaritzari iradokitzen dio aurrera eraman ditzala egonkortasunerako proposamenak. Horretarako, enplegu-eskaintza publikoak erabili behar ditu, eta horiek aplikazioko araudiak aukera eman bezain beste plaza eskaini beharko dituzte. Halaber, barne-irakasleei egonkortasun handiago emateko aukera dakarren formula sakondu beharko da, hura manten dadin hutsik dagoen lanpostuan erregelamenduaren bidez estali arte edo titularra itzuli arte.