partekatu
• ZUZENKETAK
Osakidetzaren lan-eskaintza publikoan eta pertsonal-politikan atzemandako irregulartasunak argitzeko ikerketa-batzorde berezia
OSOKO ZUZENKETA
Eusko Legebiltzarrak berretsi egiten du ekainaren 21eko osoko bilkurak hartutako akordioa, eta Eusko Jaurlaritzako Osasun Sailari eskatzen dio jarrai dezala onartutako mozioa betetzen, hark jasotako epeen arabera. Helburua da hautaketa-prozesuan zehar gertatu ahal izan diren irregulartasunak argitzea eta, Fiskaltzarekin eta Arartekoarekin elkarlanean frogatutzat ematen diren irregulartasunen ondorioz egon daitezkeen erantzunkizunak zuritu ahal izateko.
Era berean, Eusko Jaurlaritzako Osasun Sailari eskatzen dio ganbera honi proposamen bat aurkez diezaiola, etorkizuneko hautaketa-prozesuak hobetzeko neurriak jasoko dituena, eta gogoeta-prozesu bat sustatu dezala, legebiltzar-talde guztien partehartzeari irekia, eta helburu izango duena oraindik ere gehiago indartzea gardentasuna, aukera berdintasuna eta segurtasuna, etorkizuneko enplegu eskaintza pulbikoei begira.
